Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasGarrigas

Usès: an descobèrt l’anciana vila d’Ucetia

Una còla d’arqueològs an trobat l’emplaçament de l’anciana vila de las Garrigas en tot desenterrar d’espectacloses mosaïcs e de bastissas

| Denis Gliksman, Inrap
Sabiam qu’aviá existit una vila anciana près de la font d’Èura nomenada Ucetia, que donariá son nom a la vila occitana d’Usès (Garrigas). A Ucetia se i establiguèron los romans a l’entorn de l’an 50 abans lo Crist per bastir un aqüeducte fins a Nimes, lo qu’actualament se coneis coma lo Pont de Gard. Ara una còla d’arqueològs n’an trobat son emplaçament e an desenterrat d’espectacloses mosaïcs e de bastissas dont una anciana fornariá.
 
La trobalha l’an facha per azard mentre que se preparava lo terren per bastir un internat e una cantina, e s’excavèt un airal de 4000 m 2 près d’Usès.
 
Ara, la còla d’arqueològs que trabalha sul sit crei que la vila foguèt ocupada del sègle Ir abans lo Crist fins al seten après lo Crist. Mas qualques estructuras suggerisson que la vila existissiá abans l’arribada dels romans.
 
Per ara, la causa de mai granda valor de la trobalha es un acolorit mosaïc del sòl d’un ostal, dins un edifici de 250 m2 amb una colonada. Se poiriá agir d’un bastiment public o de l’ostal d’una famiha fòrça rica.
 
Los trabalhs d’excavacion contunharàn fins al mes d’agost.


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc Palma
1.

Una casa romana amb força mosaics. Una bona trobalha per Usès que li pot donar una importància mager dins los melhors mosaics qu' existisson. Veirem que poden trobar mai.

  • 2
  • 0

Escriu un comentari sus aqueste article