Actualitats
Rugbi de XIII: tristas pelenas de julh…
Aqueste dissabte 8 de julh serà pas de marcar d’una pèira blanca pels Dragons e pel Tolosa Olimpic
Alan Roch
Pas de miracle a Brutus
Los Dragons ganhèron contre Leigh lo 1r de julh mas i daissèron dos nafrats e tres suspenduts. Per reçaupre lo campion Wigan e sos 1500 sostens, l’entraïnaire MacNamara deguèt rejovenir los efectius. Atal, installèt lo jove Lucàs Albèrt a la mesclanha. Los Sang e Aur tenguèron lo còp fins a l’ora de jòc. Mercé a dos ensages de Vincenç Duport, menavan 10-8. Mas los Combatents mai organizats, mai dinamics, mai fòrts dins la circulacion de la palma, s’envolèron dins lo final: 32-10.
Dimenge que ven, los Dragons jogaràn a Saint Helens (12 de julh ont retrobaràn lo catalan Teo Fages), mas son oficialament condemnats a la pola de manten en Superliga.
Dijòus, mercé a un tombat a la darrièra minuta, lo cap de fila Castleford ganhèt a Wakefield 25-24. Divendres, Warrington per Leigh (50-10) e Huddersfield per Widnes (40-0) foguèron sens pietat, alara que St Helens batiá Hull FC: 19-12. Dimenge, Salford encaissa 9 ensages sus sa pelena e se fa batre per Leeds: 50-24.
La fin de las illusions pel Tolosa Olimpic
Los Tolosans poguèron pas arrestar lor cordelada de desfaita aqueste dissabte a Blanhac fàcia a Halifax, lor concurrent dirècte per la quatrena plaça qualificativa per la pola de montada en Superliga. Desfaita: 16-8. Lo sit del club ditz que lo TO es pas pus mèstre de son destin, mas, a doas jornadas de la fin, la situacion de la formacion occitana es plan compromesa. D’aitan mai que los Blau e Blanc jògan cò dels primièrs, Hull KR aqueste dimenge 16 de julh.
Partida decisiva a Brisbane
Aqueste dimècres, se jòga a Brisbane, la tresena partida de l’an dels Estats d’Origina entre la Nòva Galas del Sud e Queensland.. Per l’ora, cada formacion ganhèt cò de son adversari. Tot demòra dobèrt doncas per la victòria de la tièra 2017 (de seguir sus BeInSport-3, sul còp de miègjorn, ora occitana)
Copa del Mond de XIII-cadieral
Vos rapelam que la Copa del Mond de XIII-cadieral se debanarà del 20 al 28 de julh en país d’Òc e en Catalonha. D’en primièr, una partida amicala França-Austràlia lo dimars 18 a Limós, puèi la primièra jornada a Carcassona dijòus 20 amb las oposicions Austràlia-Galas, Italia-Escòcia e França-Anglatèrra.
Alan Roch
Los Dragons ganhèron contre Leigh lo 1r de julh mas i daissèron dos nafrats e tres suspenduts. Per reçaupre lo campion Wigan e sos 1500 sostens, l’entraïnaire MacNamara deguèt rejovenir los efectius. Atal, installèt lo jove Lucàs Albèrt a la mesclanha. Los Sang e Aur tenguèron lo còp fins a l’ora de jòc. Mercé a dos ensages de Vincenç Duport, menavan 10-8. Mas los Combatents mai organizats, mai dinamics, mai fòrts dins la circulacion de la palma, s’envolèron dins lo final: 32-10.
Dimenge que ven, los Dragons jogaràn a Saint Helens (12 de julh ont retrobaràn lo catalan Teo Fages), mas son oficialament condemnats a la pola de manten en Superliga.
Dijòus, mercé a un tombat a la darrièra minuta, lo cap de fila Castleford ganhèt a Wakefield 25-24. Divendres, Warrington per Leigh (50-10) e Huddersfield per Widnes (40-0) foguèron sens pietat, alara que St Helens batiá Hull FC: 19-12. Dimenge, Salford encaissa 9 ensages sus sa pelena e se fa batre per Leeds: 50-24.
La fin de las illusions pel Tolosa Olimpic
Los Tolosans poguèron pas arrestar lor cordelada de desfaita aqueste dissabte a Blanhac fàcia a Halifax, lor concurrent dirècte per la quatrena plaça qualificativa per la pola de montada en Superliga. Desfaita: 16-8. Lo sit del club ditz que lo TO es pas pus mèstre de son destin, mas, a doas jornadas de la fin, la situacion de la formacion occitana es plan compromesa. D’aitan mai que los Blau e Blanc jògan cò dels primièrs, Hull KR aqueste dimenge 16 de julh.
Partida decisiva a Brisbane
Aqueste dimècres, se jòga a Brisbane, la tresena partida de l’an dels Estats d’Origina entre la Nòva Galas del Sud e Queensland.. Per l’ora, cada formacion ganhèt cò de son adversari. Tot demòra dobèrt doncas per la victòria de la tièra 2017 (de seguir sus BeInSport-3, sul còp de miègjorn, ora occitana)
Copa del Mond de XIII-cadieral
Vos rapelam que la Copa del Mond de XIII-cadieral se debanarà del 20 al 28 de julh en país d’Òc e en Catalonha. D’en primièr, una partida amicala França-Austràlia lo dimars 18 a Limós, puèi la primièra jornada a Carcassona dijòus 20 amb las oposicions Austràlia-Galas, Italia-Escòcia e França-Anglatèrra.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari