Actualitats
Grècia a recebut 7,7 miliards d’èuros del tresen tròç de son salvament economic
6,9 miliards seràn per pagar lo deute exterior del país, del temps que los 800 milions restants se consagraràn a afrontar d’arrierats se lo fons de salvament europèu o apròva
Lo Mecanisme Europèu d’Estabilitat a pagats los primièrs 7,7 miliards d’èurosque correspondon als 8,5 miliards del tresen tròç del salvament financièr de Grècia. D’aquel argent, Atenas a separats 6,9 miliards per pagar lo deute del país, del temps que los 800 milions restants se consagraràn a afrontar d’arrierats “après lo 1r de setembre, amb la condicion que Grècia faga un progrès significatiu en emplegant sas pròprias ressorsas a la liquidacion dels pagaments en suspens e tanben al finançament del desremborsament aprovat”. Es a dire que se pagarà lo deute exterior, e los pagaments en suspens del país los deurà encara aprovar lo Conselh dels Governors del fons de salvament europèu.
Los ministres de l’economia e de las finanças de la zòna èuro pachèron lo 15 per junh passat un acòrdi per desblocar lo tròç de 8,5 miliards d’èuros per Grècia, mas diguèron que precisarián dins una reünion venenta las mesuras e las condicions per tal de convéncer d’un biais definitiu lo Fons Monetari Internacional (FMI) que participèsse a aquel programa.
L’FMI poiriá portar fins a 2 miliards de dolars, e mai se dependrà dels detalhs de la reestructuracion del deute que se deurà menar a bon tèrme a la fin del programa, en 2018. Aquela reestructuracion del deute la definiràn los païses de la zòna èuro.
Amb lo desremborsament aprovat divendres passat, lo fons de secors europèu cobrirà 39,4 miliards sul total dels 86 miliards d’èuros acordats pel darrièr salvament de Grècia, un país qu’a recebut fins ara 181,2 miliards d’èuros del fons de salvament europèu.
Los ministres de l’economia e de las finanças de la zòna èuro pachèron lo 15 per junh passat un acòrdi per desblocar lo tròç de 8,5 miliards d’èuros per Grècia, mas diguèron que precisarián dins una reünion venenta las mesuras e las condicions per tal de convéncer d’un biais definitiu lo Fons Monetari Internacional (FMI) que participèsse a aquel programa.
L’FMI poiriá portar fins a 2 miliards de dolars, e mai se dependrà dels detalhs de la reestructuracion del deute que se deurà menar a bon tèrme a la fin del programa, en 2018. Aquela reestructuracion del deute la definiràn los païses de la zòna èuro.
Amb lo desremborsament aprovat divendres passat, lo fons de secors europèu cobrirà 39,4 miliards sul total dels 86 miliards d’èuros acordats pel darrièr salvament de Grècia, un país qu’a recebut fins ara 181,2 miliards d’èuros del fons de salvament europèu.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
6.900 milions pels bancs alemans e 800 milions per pagar enderrerrits del gover. Es a dire que l'Estat grec s'endeuta per pagar als bancs privats alemans quasi 9 vegades mai que per poder pagar sos deutes corrents. Quasi tot per pagar el deute que los bancs privats grecs tenien amb els bancs alemans i que l'Estat grec ara li diuen que ha de pagar el. Una estafada capitalista.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari