Bandièra01 1180x150: Comuna de Tolosa

Actualitats

Òc Malhòrca a bandit sa campanha de recrutament de sòcis

Es la primièra associacion occitanista de l’illa e sa tòca es de i difusar la lenga e la cultura occitanas, e mai de far conéisser la cultura malhorquina en Occitània

La còla del CAÒC e d'Òc Malhòrca a la manifestacion Anem Òc! de Montpelhièr
La còla del CAÒC e d'Òc Malhòrca a la manifestacion Anem Òc! de Montpelhièr | Òc Malhòrca
La còla d’Òc Malhòrca an lançat una campanha per far de sòcis en tot prepausar un escotisson de 45 èuros per an, amb de reduccions pels menors, retirats e caumaires, e de tarifas especialas per de patrons e entitats.
 
Òc Malhòrca es la primièra associacion occitanista de l’illa e sa tòca es de i difusar la lenga e la cultura occitanas, e mai de far conéisser la cultura malhorquina en Occitània.
 
Per ara an organizat la Dictada Occitana en 2015, una conferéncia de Yan Lespoux e an mes en marcha de projèctes per la creacion de la Bibliotèca Occitana de Malhòrca (BÒC) e la Federacion d'Entitats Occitanistas dels Païses Catalans (FEDÒC). Tanben an previst d’organizar una vesita guidada de Palma en tot far un omenatge als felibres occitans e malhorquins.
 
E mai, l’associacion cèrca d’èsser lo ponch d’amassada occitanista de l’illa e de venir la referéncia per totes los malhorquins interessats per Occitània. Sosten tanben los projèctes culturals a prepaus de l’occitan o d’Occitània e ten de relacions amb las autras entitats occitanistas dels Païses Catalans, dont lo CAÒC e l’ADÒC, que gerís Jornalet.
 
Per que se venga sòci, an mes un formulari en linha. Per mai d’informacion, podètz escriure a ocmallorca(a)gmail.com.
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc Palma
2.

Lo CAOC se fundet ja fa molts d'ans, no record l'an, mas oc qu' hi vai anar, hi avia N'Enric Garriga lo director del CAOC durant molts d'ans, al cel sia. E tamben un senhor major Batista e Roca. Hi ha imatges de l'acte, anavem en aquel temps amb pantalons acampanats e se no record malament amb barba .

  • 3
  • 0
lo fiu blagaire
1.

tot ara li aurà mai d'occitanistas dins lei pais de lenga catalana que dins lei provincias onte se parlan encar'pauc -gaire gaire- lei centenassas de varietats de nòstra lenga

  • 4
  • 0

Escriu un comentari sus aqueste article