Bandièra01 1180x150: Comuna de Tolosa

Actualitats

Lo cap d’Estat-Major de las armadas francesas a demissionat

Pierre de Villiers demissionèt ièr dimècres après exprimir clarament son desacòrdi amb las economias e las retalhadas budgetàrias que Macron a previstas per l’armada francesa

Emmanuel Macron e Pierre de Villiers
Emmanuel Macron e Pierre de Villiers | Reuters
Lo cap d’Estat-Major de las armadas francesas, Pierre de Villiers, anoncièt ièr dimècres sa demission, après exprimir clarament son desacòrdi amb las economias e las retalhadas budgetàrias que lo president Emmanuel Macron a previstas per la Defensa.
 
Dins un comunicat publicat per l’AFP, de Villiers o precisèt:
 
“Dins las circonstàncias actualas, considèri èsser pas pus en mesura d’assegurar la perennitat del modèl d’armada al qual cresi per garentir la proteccion de França e dels franceses, uèi e deman, e sosténer las ambicions de nòstre país. Per ansin, ai pres mas responsabilitats en presentant, aqueste jorn, ma demission al President de la Republica, que l’a acceptada”.
 
De Villiers aviá exprimit son malèsser per l’intencion de Macron de reduire de 850 milions d’èuros lo budget de l’armada per ongan, coma lo president o aviá anonciat dins una reünion a pòrta barrada de la comission de la Defensa de l’Assemblada francesa.
 
De fach, Macron l’aviá cridat a l’òrdre car durant los eveniments del 14 de julhet. Sens lo nomenar, lo president francés reprochèt a de Villiers d’aver mes de faiçon “indigna” una polemica budgetària “sus la plaça publica” e li recordèt lo “sens del dever e de la resèrva”.
 
Segon l’istorian Philippe Vial, especialista de la Defensa, la demission de Pierre de Villiers “es un eveniment istoric”. Vial a dich a Le Monde que “nat cap d’Estat-Major de las armadas es estat menat a demissionar”.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc Palma
8.

Reduir las despesas militars es la melhor maniera de conservar l'estat del benestar. Bravo Maicol !

  • 0
  • 0
Emmanuèl Isopet
7.

#3 Ai! La recerca de "qual es darrièra lo nom-masqueta"! E perqué pas cercar tanben los autors dels 5 autres comentaris?

  • 5
  • 0
Simca Simca Simca 1000 City
6.

#1& #3 Comtessa de Dia, Gramaticiana Severa e Xenofòba, la tòrna granda ! Companha afogada del rufe generalissim per combatre l'islam radical e per pas tombar en dolilha en Africa . E nos prene nu-us dins la Simcà 1000 !! E nos prene nu-us dins la Simcà 1000 !! E nos prene nu-us dins la Simcà 1000 !!

  • 20
  • 5
Enric Mala Tèsta
5.

Que l'armada se faga fotre, rai ! N'a pro fotudas las populacions civilas pendent sègles e sègles !

Mas, se far fotre per una retalhada de budjècte d'estat, aquò es a mand de venir espectaclosament banal comun, quotidian quitament. E a-n-aqueste jòcs, totes, armats o non, nos i fasèm fotre menimosament.

Las entrepresas creadoiras de riquesas barran aquí per far moneda aquí que la man dòbra se paga a tariu d'esclau, puèi bota sas riquesas dins de paradises fiscals. Donc, los estats an de mens en mens de possibilitats. Donc, sense comptar que nosautres prenèm (urosament) en carga los caumaires daissats de caire per la entrepresas esclavagistas internacionalas, plan segur que l'estat es fisicament menat a far de retalhadas. Plan segur que ne fa. Plan segur que nos i fasèm fotre totes ! Plan segur que l'armada tanben, s'i fa fotre.

Lo còp que ven, quora manifestarem contra l'estat e lo capital, mai que de nos ficar a còps de trica, los de l'armada e dels servicis d'òrdre auràn pas mai qu'a nos ajudar a restablir patz e justícia, sense cap mai estat corruptible ni capitalisme esclavagista ! Governèm nos !

  • 21
  • 4
Lo raiòu Cevenas
4.

L'armada... quanta envencion, l'armada !
Me batre per la familha, la comunautat, ma libertat amai aquela de mos fraires, aquí òi !
Per còntra, servir los enterès d'un Estat que s'ocupa a mitat de sos ciutadans, servir los enterès de la Maire-Patria que manda au masèl sos "chars e gloriós" enfants, i pensatz pas !

Fai bèl briu que la mairastra França auriá degut demandar perdon als "francés" per aveire formatat emb de l'arrivada de l'escòla las comunautats de sa "famosa" republica per ne'n faire de "bòns francés" prèstes a morir per una esagonalitat obsessionala ! Vergonha, França ! Vergonha !

Es per aquò que l'armada francesa, lo drapèu tricolòre emb de La Marselhesa sanguinària son pas ma Bíblia, fotre non pas !

  • 18
  • 2

Escriu un comentari sus aqueste article