Bandièra01 1180x150: Comuna de Tolosa

Actualitats

La primièra unitat LGBT creada per combatre l’Estat Islamic en Siria

“Los imatges dels òmes omosexuals getats dels teulats e assassinats per Daish èra quicòm que podiam pas agachar sens res far”

Un grop de volontaris internacionals que combaton amb las fòrças curdas contra l’autoproclamat Estat Islamic (EI) en Siria, an creat la primièra unitat militara LGBT. Se nomena Armada d’Insurreccion e de Liberacion Queer (TQILA segon sa sigla en anglés). L’IRPFG anoncièt diluns passat la creacion d’aquel grop, çò rapòrta Newsweek.
 
L'IRPGF es una unitat de batalhon internacional de la libertat, un amàs de combatents de per tot lo Mond, que son anats en Rojava per luchar contra l’EI al costat de las milícias curdas apeladas Unitats de Proteccion del Pòble (YPG segon sa sigla curda)
 
Una declaracion publicada sus Twitter assabentèt que los combatents de TQILA “cèrcan de rompre lo genre binari e promòure una larga revolucion feminista, de genre e sexuala”.
 
Lo pòrtavotz de TQILA, Heval Rojhilat, a pas revelat a Newsweek quant de mond compausan l’unitat, per de rasons de seguretat. Totun, a dich que son fòrça, la majoritat eissits de la comunautat LGBT, e que son ja a combatre a Raqqa, lo bastion màger, fins ara, de l’autoproclamat Estat Islamic que l’YPG i intrèt al començament de julhet e qu’es a mand d’èsser liberada.
 
Segon Rojhilat, TQILA es format de combatents internacionals qu’avián “regardat amb orror que las fòrças faissistas e extremistas del Mond entièr [avián] atacat la comunautat omosexuala e n’avián assassinat un cèrt nombre de membres, en mençonant qu’[èran] «malauts», e «contra natura»”. En mai d’aquò, “los imatges dels òmes omosexuals getats dels teulats e tuats per Daish èran quicòm que podiam pas agachar sens res far.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

ltrobat
9.

Soldats omosexuaus, Qu'ei çò que'n pensa lo xenophon?

  • 0
  • 0
francesc Palma
8.

Los exercits romans ja tenien homosexuals ,e eran considerats molt bons guerrers. Es posaven esquena per esquena amb sa parelha e la defensaven fins a la mort si calia. Naturalment que los homosexuals anomenats mascles son molt forts e son pas los marietas o afeminats. Per recordar sa força cal recordar a Roc Hatson e lo campió del mond de luita liura Primo Carnera.

  • 2
  • 0
Joan Marc
7.

Es una mena de Front Omosexual d'Accion Revolucionària ( FHAR en francés ) coma existissiá en França dins las annadas 70. La melhora defensa es l'ataca !!!

  • 5
  • 0
Joan Marc
6.

Benlèu qu'es la segonda revolucion sexuala !!

  • 4
  • 0
Simca Simca Simca 1000 City
5.

#1 E nos prendrà nu-us dins la Simca Mila ! E nos prendrà nu-us dins la Simca Mila! E nos prendrà nu-us dins la Simca Mila ! E nos prendrà nu-us dins la Simca Mila !

  • 4
  • 1

Escriu un comentari sus aqueste article