Bandièra01 1180x150: Comuna de Tolosa

Actualitats

Estònia: Tallinn a ja son autobús urban sens menaire

Per ara dos autobuses de solament uèch passatgièrs cadun fan un brèu percors dins lo centre vila de la capitala estoniana

S’agís d’un programa pilòt e la rota d’aquel nòu servici de transpòrt public a, pel moment, un percors fòrça reduch dins lo centre de la vila, amb un orari tanben reduch dins l’après-miègjorn. Es previst que foncione tot lo mes d’agost e que la frequéncia ane creissent.
 
Lo projècte fa partida de las proposicions qu’a porgidas Estònia dins l’encastre de sa presidéncia del Conselh de l’Union Europèa.
 
Aquela primièra tecnologica l’a menada a bon tèrme la societat Easymile qu’a presentat son projècte d’autobuses sens menaire a Sant Sebastian (Bascoat), a Darwin (Austràlia), e Lausana (Soïssa). En Occitània l’an porgit a la tecnopòli Sophia Antipolis en Vencenc.

 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo raiòu Cevenas
2.

Viva la desumanizacion en marcha !

  • 2
  • 0
Jiròni B. Sent Liunard
1.

Hehe, fau pas estre pressat... E los emplecs menaire ?

  • 2
  • 0

Escriu un comentari sus aqueste article