Bandièra01 1180x150: Comuna de Tolosa

Actualitats

Rugbi de XIII: dos meses decisius pels Dragons

L’arrièr dels Dragons, Tòni Gigòt, suspendut per l’AFLD e sostengut per son club e per la Federacion
L’arrièr dels Dragons, Tòni Gigòt, suspendut per l’AFLD e sostengut per son club e per la Federacion | SW Ptx
Aquesta debuta d’agost marca l’entamenada de la segonda fasa en Superliga, un moment plan important pels Dragons catalans.
 
 
Gigòt suspendut!
 
E agost comença plan mal, amb la decision de l’Agéncia Francesa de Lucha contra lo Dopatge d’anullar la decision de la comission d’apèl de la Federacion de demesir a 3 meses l’interdiccion primièra de 24 meses de jogar a l’arrièr Tòni Gigòt non pas per un contraròtle positiu mas per aver escambiat d’un biais qu’agradava pas al contrarotlaire.
 
L’arrièr catalan paga probable lo conflicte entre la Federacion e l’AFLD: lo president de la Federacion a fach sa denóncia per difamacion contra un responsable de l’organisme que declarèt que lo XIII èra tocat per las presas de cocaïna: çò que correspond pas a cap de realitat.
 
Los Dragons, solidaris de lor jogaire, estúdian los mejans judiciaris de s’entraversar en aquesta decision negativa.
 
 
Complicat pels Dragons
 
Per la primièra partida del Qualificatiu, los Dragons recebián Londres a Brutus. Se vegèt pas la diferéncia entre los nivèls Superliga e Championship que los catalans tombèron dins lo fals ritme anglés. Agèron totas las penas del Mond de s’impausar 20-18. Dissabte, jogaràn cò de Warrington.
 
En Superliga, lo cap de fila Castleford tomba sus sa pelena fàcia a St Helens: 12-26. Los recebeires ganhan las autras 3 partidas: 32-16 per Leeds contra Wigan, 36-6 per Huddersfield contra Wakefield e 32-18 per Hull FC contra Salford.
 
Dins lo Bloquièr del Championship, Tolosa va ganhar a Bradford 26-10, abans d’anar afrontar Dewsbury dimenge.
 
 
La Tempèsta o empòrta tot
 
En NRL , la Tempèsta o empòrta tot sul passatge: la formacion de Melbourne va batre los Vaquièrs: 26-8. Los Lapinons marcan dos ensages dins las darrièras minutas per batre sul fial 26-24 los Dragons de Sant Jòrdi. Manly domina los Polets 36-18. En cap d’aficha de la 23a jornada, las oposicions Bròncos-Làmias e lo rescontre entre los primièrs dos: Tempèsta-Polets.
 
 
 
 
Alan Roch



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Estevenòt Tornafuelha
3.

#2 O aviái vist!
Manca juste de badinadas !

  • 2
  • 0
L\'Alan Carcassona
2.

Te cal anar veiree sul site nrl.com e veiràs que lo nom de las còlhas es just la revirada en occitan de lor nom oficial !!!!!!!!

  • 2
  • 0
Estevenòt Tornafuelha
1.

La fin de l'article me fa pensa a la badinada de Catinon e Jacotin, " la rescontre de rugbi", que se trapa sul site Catinou et Jacouti.
Lo Jornalet a ronçat un concors de badinadas per aqueste estiu.
Baste Alan Roch nous fasquèssa lo plaser de la reviscolar, el que mestreja lo lexic rugbistic.

Soi a m'ajudar de me remembrarla famosa badinada de la finala aquatica en 47 a Castras, que ploviá tan fòrt que tombava de granhòtas...

  • 2
  • 0

Escriu un comentari sus aqueste article