Actualitats
Lo Reialme Unit reconeis pas la chifra de 40 miliards d’èuros coma pagament per sa partença de l'UE
Lo país a un relambi de mens de dos ans per negociar amb l'Union Europèa los tèrmes del Brexit
Lo govèrn britanic reconeis pas la chifra de 40 miliards d’èuros coma soma que cal pagar per compensar la partença de l'Union Europèa, dins l’encastre del procès del Brexit, segon çò qu’a explicat un pòrtavotz de la primièra ministra britanica, Theresa May.
Dimenge passat, The Telegraph raportèt que lo Reialme Unit seriá dispausat a pagar fins a 40 miliards d’èuros coma partida de l’acòrdi de partença de l'Union Europèa, en mençonant tres fonts pròchas dels negociaires britanics.
“Per quant a aquesta chifra, ieu la reconeissi pas”, çò a afirmat lo pòrtavotz de May. “La primièra ministra a mes en evidéncia dins la carta d’invocacion de l’article 50 que lo Reialme Unit e l'Union Europèa devon discutir un acòrdi just tant pels dreches coma per las obligacions coma estat membre”, çò soslinhèt.
Lo Reialme Unit a un relambi de mens de dos ans per negociar amb l'Union Europèa los tèrmes de sa partença, una manòbra sens precedents après mai de quaranta ans de ligams politics, economics e legals. Las primièras sesilhas de negociacions an pas agut gaire de progrèsses e la còla negociaira de l'Union Europèa a demandat mai de clartat als britanics sus lors tòcas.
Dimenge passat, The Telegraph raportèt que lo Reialme Unit seriá dispausat a pagar fins a 40 miliards d’èuros coma partida de l’acòrdi de partença de l'Union Europèa, en mençonant tres fonts pròchas dels negociaires britanics.
“Per quant a aquesta chifra, ieu la reconeissi pas”, çò a afirmat lo pòrtavotz de May. “La primièra ministra a mes en evidéncia dins la carta d’invocacion de l’article 50 que lo Reialme Unit e l'Union Europèa devon discutir un acòrdi just tant pels dreches coma per las obligacions coma estat membre”, çò soslinhèt.
Lo Reialme Unit a un relambi de mens de dos ans per negociar amb l'Union Europèa los tèrmes de sa partença, una manòbra sens precedents après mai de quaranta ans de ligams politics, economics e legals. Las primièras sesilhas de negociacions an pas agut gaire de progrèsses e la còla negociaira de l'Union Europèa a demandat mai de clartat als britanics sus lors tòcas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò cambia pas, lo Reialme Unit a totjorn volgut lo burre, l'argent dau burre e lo cuol de la cremièra. O-sabiam dempuèi la debuta. Coma o-ditz lo dicton-galejada englès : ""it only takes three generations to change a man" (per cambiar quauqun vos cal solament tres generacions). Aqui sem prevenguts !
Los que devon donar monenda non vòlon pas. Los que ne devon recebre, si que ne vòlon. Cal abolir las monedas o, al mens, l'inegalitat qu'i permeton d'accedir… Las discussions seràn plan mai aisidas alara. Non i aurà pas res mai a donar o a recebre, res mai a préner o a pèrdre, estant que totes ne serem al meteis punt.
Qu' els banc privat alemanhs tornen los diners qu' han raubat als britanics.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari