Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautFrontonés

Bruguièras: espectaclós incendi d’una usina de reciclatge de papièr

De centenats de tonas de papièr an provocat un fuòc enòrme qu’una còla de 170 pompièrs an amortat après una lucha de uèch oras

I aguèt diluns passat un incendi a l’usina de reciclatge de papièrs Paprec, a Bruguièras (Frontonés), al nòrd de Tolosa. De centenats de tonas de papièr provoquèron un fuòc enòrme qu’una còla de 170 pompièrs amortèron après una lucha de uèch oras, çò rapòrta La Dépêche.
 
L’incendi espectaclós d’origina indeteminada se declarèt diluns 14 d’agost devèrs 18h sus una zòna d’estocatge de papièrs compactats en defòra dels bastiments de Paprec. Las fòrtas ventadas compliquèron lo prètzfach dels pompièrs. Pasmens, lo fuòc a solament damatjat una linha de tria e un bastiment dobèrt. L’esplech industrial es estat preservat, e l’activitat poirà reprene lèu-lèu.
 
L’enquèsta per determinar l’origina de l’incendi es estada fisada a la gendarmariá de Tolosa Sant Miquèl. 

 




abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Joan Marc LECLERCQ
1.

I soi passat sus l'autopista de cap a 1h30 de la nueit, en tornar de l'Escòla Occitana d'Estiu. I avèva un hum qu'empachava d'aledar, pensi aus pompièrs qu'an un mestièr pas aisit aisit.

  • 12
  • 0

Escriu un comentari sus aqueste article