Lo Forum Euroregional Patrimòni e Creacion, definit coma una granda fèsta de las culturas vivas, prepausèt, del 1r al 3 de julhet, de seradas de concèrts, teatre, conferéncias, taulas redondas, debats, mòstras, espòrts tradicionals, passacarrièra dels animals totemics, talhièrs e balètis... Un quarantenat de rendètz-vos gratuits prepausats per totes los atges e totes los publics. Ne parla lo director de l’eveniment, Danís Chapduelh.