editorial
Un vertadièr forum social occitan
Dempuèi que Patric Roux quitèt la direccion de l’Estivada de Rodés, lo festenal de las culturas occitanas a cessat d’èsser lo ponch de rescontre nacional de l’occitanitat. Los critèris comercials an despassat l’anciana tòca de dignificar la produccion culturala en occitan. Nos rèsta l’espèr que d’autres eveniments prengan la plaça de l’Estivada, çò que seriá pas complicat gràcias a la subrebèla organizacion dels festenals que se tenon a Pau (Bearn), a Saurat (Savartés), a Castèlnòu d’Arri (Lauragués) e endacòm mai.
Mentretant, i a un eveniment que volèm soslinhar: la Dintrada. Cresèm que sa concepcion es idonèa per amassar l’occitanisme, menar a bon tèrme los escambis de vejaires e d’estrategias, e tanben per analisar l’encastre politic occitan. Après doas edicions amb un programa extraordinari que la còla de Jornalet avèm totjorn saludat, s’alestís ara una tresena edicion amb qualques melhoraments. D’un caire, se càmbia l’emplaçament de Leucata a Narbona per facilitar l’arribada de mai de participants; d’autre caire, lo PÒC a demandat als responsables de qualques mèdias en occitan de preparar lo programa, per que l’eveniment venga un vertadièr forum social occitan.
E mai sián al programa l’analisi la plaça de l’occitan e de l’occitanisme dins lo numeric, e las estrategias per salvar la lenga dins un encastre de mondializacion e multiculturalitat, an previst un debat màger: la granda reconciliacion de l’occitanisme, devesit e en colèra après la causida del nom d’Occitània per la nòva region fruch de la fusion de Lengadòc-Rosselhon e Miègjorn Pirenèus. Una reconciliacion de besonh se volèm avançar dins nòstre sòmi de viure e decidir al país, e de o far a la faiçon occitana.
Occitània, coma o avèm dich d’autres còps, es un país enòrme, amb una granda diversitat culturala, païsatgistica, gastronomica, economica e sociala. L’occitanisme es talament grand e divèrs. Es per aquò que, se volèm aspirar a èsser un país normal, nos cal rescontrar mai, nos cal parlar mai, nos cal connectar mai e nos cal conéisser mai. Solament aital trencarem la fragmentacion e avançarem dins l’unitat. Occitània a de besonh de ponches d’amassada coma un peis a de besonh de l’aiga.
Per tant, la còla de Jornalet voldriam encoratjar tot lo mond a participar activament a la Dintrada. Vos esperam a Narbona lo 16 de setembre que ven.
Per mai d’informacion e inscripcions: www.ladintrada.eu
Mentretant, i a un eveniment que volèm soslinhar: la Dintrada. Cresèm que sa concepcion es idonèa per amassar l’occitanisme, menar a bon tèrme los escambis de vejaires e d’estrategias, e tanben per analisar l’encastre politic occitan. Après doas edicions amb un programa extraordinari que la còla de Jornalet avèm totjorn saludat, s’alestís ara una tresena edicion amb qualques melhoraments. D’un caire, se càmbia l’emplaçament de Leucata a Narbona per facilitar l’arribada de mai de participants; d’autre caire, lo PÒC a demandat als responsables de qualques mèdias en occitan de preparar lo programa, per que l’eveniment venga un vertadièr forum social occitan.
E mai sián al programa l’analisi la plaça de l’occitan e de l’occitanisme dins lo numeric, e las estrategias per salvar la lenga dins un encastre de mondializacion e multiculturalitat, an previst un debat màger: la granda reconciliacion de l’occitanisme, devesit e en colèra après la causida del nom d’Occitània per la nòva region fruch de la fusion de Lengadòc-Rosselhon e Miègjorn Pirenèus. Una reconciliacion de besonh se volèm avançar dins nòstre sòmi de viure e decidir al país, e de o far a la faiçon occitana.
Occitània, coma o avèm dich d’autres còps, es un país enòrme, amb una granda diversitat culturala, païsatgistica, gastronomica, economica e sociala. L’occitanisme es talament grand e divèrs. Es per aquò que, se volèm aspirar a èsser un país normal, nos cal rescontrar mai, nos cal parlar mai, nos cal connectar mai e nos cal conéisser mai. Solament aital trencarem la fragmentacion e avançarem dins l’unitat. Occitània a de besonh de ponches d’amassada coma un peis a de besonh de l’aiga.
Per tant, la còla de Jornalet voldriam encoratjar tot lo mond a participar activament a la Dintrada. Vos esperam a Narbona lo 16 de setembre que ven.
Per mai d’informacion e inscripcions: www.ladintrada.eu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fai bèl briu que lo socit, lo tòc de l'accion occitana auriá degut èstre La Consciença de la populacion dau País d'Òc.
Coma volètz recampar lo mai de monde au torn de "la lenga dinc lo numeric", "la lenga dinc la mondializacion", quand la maja part de la populacion es pas occitanofòna e qu'a puslèu conscienta d'èstre francesa ? Podèm pas que demorar entre nautres coma aquò !
"Desfolar" los refolats, faire òbra pedagogica auprès dals ermetics e autres mesfisents, rescontrar la societat civila, préner en còmpte sos besonhs, sas espèras amai sos refús.
Coma vai que despièi tant de decenias, o agon pas comprés las associacions, los organismes de l'Òc ?
Desmancipar la consciença emb d'anar rescontrar la populacion : aquò's vengut un dever per capitar !
Existís dejà una estructura politica basada sus "lo mès pichon denominator comun" per amassar l'occitanisma politic, un utís de trabalh comun en defòra de las capèlas, de las etiquetas partizanas : en 2012-2013 n'i a que s'amassèran per entemenar una discutida d'obertura, e que t'an atau redigit "lo Manifèste Occitanista", basa programatica comuna per un moviment nomenat "Bastir" tre 2013, moviment que atau "labellizèc" candidats respectuoses de las reivindicacions del manifèste a las eleccions franceses qu'i a avut dempus.
Se "Bastir" uèi non fedèra pas totas las compausantas del moviment occitanista, es qu'es per'mor que la basa programatica del "Manifèste Occitanista" èra benlèu encara tròp "partizana" ?
La question que me pausi : es que pòt i aver solament una basa comuna a l'occitanisma ???
Quand vesi la modestia de las reivindicacions de "Bastir" per demorar consensual ambe totas las tendéncias de l'occitanisma ... Que pòt i aver de mès consensual, tot en demorar "reivindicatiu" dins l'occitanisma ?
Me demandi : quines son los arguments de los qu'an pas jamès volgut aderir a "Bastir" ? per contrariar diguns, i a pas de posicionament a dreta o esquèrra (sonque l'extrèma-dreta fòrabandida), i a pas de reivindicacion nacionalista (enebida l'idea d'un Estat Occitan !), solide, reividicacion "culturala" per la promocion de l'occitan, mès pas de reivindicacion sus la lenga que sia en defòra del encastre legau (per exemple : pas de demanda d'oficialitat de la, lenga en França, que la constitucion stipula plan que la sola lenga oficiala, es lo francés !)... etc.
Dificile imaginar una basa programatica mès consensula que la comuna prepausada dempus 2013 per "Bastir" per amassar l'occitanisma ! es-que pòt solament existir ? es-que la sintèsa de la Dintrada pòt prepausar quauqu'arren de comun encara mès consensual que "Bastir", e que posca pr'aquò demorar encara un pauc "reividicatiu" ? soi dubitatiu : se "Bastir" capita pas d'amassar l'occitanisma, coma cal far ? en prepausar ambe "La Dintrada" quauqu'arren encara mès "leugèr" ? va pas demorar gran causa !
Lo 16 de septembre serai al trabalh doncas pas dins aquesta dintrada mas perque pas demandar l ajuda de l euroregion per de financement o encara per l obtencion d un pesuc sosten politic d un novel projecte per amor que l occitan es una lengua reconeguda...
Un ajuston-question per Jornalet.
Coneissiái pas "La Dintrada". E tant d'autras causas que sai pancara, ne'n siái segur.
Vòle vos demandar :
- i a un repertòri que recampe festenaus, rescòntres, foròms de l'Òc ? Mès tanben associacions localas e despartamentalas, estitucions e organismes regionaus, e,trepresas culturalas e artisticas obrent per la lenga e la cultura ? Aquò d'aquí per chasca país occitan ?
- es coneissegut Jornalet per las associacions localas occitanas, felibras, patesejantas, vos save ieu, e autres comitats locaus d'organizacion d'eveniments mai o mens "color locala o etiquetat òc" ? Au mens, i auriá matèria per s'enterconnectar, mièlhs se conéisser per tot lo País e crear de liams per obrar emb de monde qu'auriam pas jamai pensat e que benlèu ne'n sèm vesins ! Se marcariáun dinc lo repertòri...
- a perpaus de la mapa dals país occitans qu'èra gaireben acabada, ço me sembla, onte ne'n son sos coratjós iniciaires ?
Gramecí d'avança, Jornalet, per vòstras respònsas.
Remocadas estèrlas, chapinhadas... quora n'acabarem emb d'aquò ? Los problèmas d'ego, aquò gasta una òbra collectiva. Reglessiatz aquò en defòra, mon diu... ! Quò marca mau, francament...
Se volèm capitar una presa en còmpte dau País d'Òc dinc sa diversitat e reviurar l'usatge sociau de la lenga, faudrà mens jogar los endividualistas e autres justiciaires quilhats sus lur ajocador : es pas coma aquò que se ganharàn las batuèstas !
Anatz legir l'article "La reconquista a partir de las campanhas" de Lissandre Varenne emb dals comentaris correspondents. Venètz adurre vòstra pèira a l'òbra, que ne'n manca pas ! Meteguem-nos au talh per totes los locutors oblidats de la lenga, per amai emb de la societat civila, e sortiguem de l'eternau Lengadòc ! De centres nevralgics e salutaris emb d'una occitanofonia plena de potenciaus mès que vai chorrent o se morís, n'i a de pertot a l'espèra de nòstra consideracion.
Besièrs, Carcassona, Tolosa, Montpelhièr (per las manifas), e ara Narbona (per la "Dintrada") : sovent aquelas vilas. An pensat "Los Dintraires" a Marselha, Valença, Clarmont, o ben de vilas segondas coma Alès, Monteleimar, Lo Puèi, Rodés ?
An pensat "Los Dintraires" de demandar a l'occitanofonia associativa escampilhada per tot lo País d'Òc que fagon lurs prepausicions, per enspirar lo programa ?
N'i aguèt pas pro emb de la manifa de 2015 e lo maucontentament menat per la manca de concertacion ? E après, s'estonaràn que i ague dissidença amai secessionisme... !
Dinc una vraia familha, son pas totjorn los mèmes que se desplaçan. Nos permetretz, cosins, qu'aguem un jorn la fiertat d'èstre vòstres òstes ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari