CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 15 d'octòbre

Entrevistas

Dissabte, 23 de julhet de 2016, 03h00

Lo Frònt Nacionau es pas per carrieras, mai si qu'es dins la tèsta de totei

Hazem El Moukaddem realizaire del documentari Acta non Verba e membre del collectiu antifaissista marselhés Nosotros
Comentaris 22 comentaris    
Marrit Flac Bon Plan bon Fabulós (9 vòtes)
carregant En cargar


Hazem El Moukaddem nasquèt e cresquèt en Liban, mas fa mai de dètz ans qu’es marselhés e fa partida del grop Accion Antifaissista Marselha, qu’ara es vengut lo collectiu Nosotros. El es lo realizaire d’Acta Non Verba, un documentari articulat a partir d’entrevistas sus l’antifaissisme e l’anticapitalisme solidari en Euròpa. Aquel filme se presentèt en junh passat a Barcelona, e en aquela escasença la jornalista Júlia Bacardit li faguèt una entrevista que publiquèt lo jornal catalan Directa. En seguida la reprodusèm adaptada a l’occitan.

 
Que provoquèt l’aparicion de Nosotros, eretièr del collectiu Accion Antifaissista Marselha?

 
Lo primièr chòc foguèt l’assassinat dau jove antifaissista Clément Méric, mòrt ai mans d’un neonazi de Troisième Voie en junh de 2013. La segonda rason foguèt lo tractament mediatic de la question. Nos aviseriam qu’eriam embarrats dins lo quartier e que lei gents nos vesián coma una faccion politica e o siam pas. Comprenèm que l’antifaissisme li cau luchar contra tota mena de dominacion, doncas que s’inscriu dins l’anticapitalisme e lei luchas popularas.
 
 
Caliá cambiar d’estrategia?
 

« Nos caliá arribar a la societat, jónher lo movement anticapitalista solidari internacionau e combatre l’idèa que l’antifaissisme son aquelei que se pelejan amb lei fachos »

Nos caliá arribar a la societat, jónher lo movement anticapitalista solidari internacionau e combatre l’idèa que l’antifaissisme son aquelei que se pelejan amb lei fachos. Amb Nosotros, avèm impulsat de programas de sosten administratiu, escolar e d’acompanhament ai personas vielhas, çò que nos a permés de se sarrar de nòus sectors sociaus.
 
 
Acta Non Verba a l’intencion d’explicar aquela evolucion?
 
L’idèa dau documentari es d'explicar que siam pas un ret barrat e que, se volèm cambiar la societat, nos cau partir de sa realitat.
 
 
Dins lo documentari, i apareisson de seguidors del Sant Pauli, lo club de fotbòl antifaissista d’Amborg. Los antifaissistas lor cal tanben donar l’exemple dins los estadis?
 
Sovent, la senèstra ditz que, s’argumentam plan, tota la societat serà de nòstre costat, mas, après, veses que i a 30 000 racistas e maclistas dins lei terrens de fotbòl. A ieu m’agrada pas lo fotbòl, mas ai de camaradas antifaissistas que i van e tròbi normau de chifrar sus aqueu coma quin autre fenomèn que siga. Çò important es d’i èsser presents. Tanben dins la lucha dau pòble curd, e per aquela rason avèm creat un grop de sosten.
 
 
Quina opinion n’as?
 
Justament, aqueste estiu i anarem filmar lo documentari seguent. Es una populacion qu’a causit lo feminisme e l’autogestion; evidentament, es pas perfiecha, mas nos cau èsser solidaris e bastir ensems; per aquela rason emplegue pas d’expressions coma “donar l’exemple” ò “ajudar”, mai au contrari: “anar a descubrir l’autre” e “bastir”.
 
 
Fins a quin ponch la crisi a contribuit a l’ascension de l’ultradrecha en França?
 
I a contribuit, mas es justament per aquò que la senèstra deu explicar que, per cambiar la societat, cau d’alternativas. E tanben que,

« S’encuei l’ultradrecha se presenta coma anticapitalista, es pas per defendre l’esplechat davant lo patron, mas amb la tòca que leis entrepresas nacionalas amolonen lo capital e sostengan la nacion »

s’encuei l’ultradrecha se presenta coma anticapitalista, es pas per defendre l’esplechat davant lo patron, mas amb la tòca que leis entrepresas nacionalas amolonen lo capital e sostengan la nacion. Es aquò çò que nos cau combatre.
 
 
Cossí s’es transformada Marselha a respècte dels ans 1980?
 
I a un desèrt entre lei doas. Dins leis ans ochanta, i aviá l’esperança perque lei socialistas èran arribats au poder per lo primier còp. Mai leis antifaissistas de l’epòca avertiguèron ja que trairián la societat. E es estat coma aquò: la senèstra es venguda estatica e a permés que la vila siga arrestada en çò que tanh a lei dinamicas sindicalas ò d’autras sòrtas.
 
 
Lo succès del Front Nacional a una relacion amb aquela desmobilizacion?
 

« A sabut utilizar internet per se metre dins la tèsta dau vesin e a aprofechat tanben lei reaccions contràrias »

A sabut utilizar internet per se metre dins la tèsta dau vesin e a aprofechat tanben lei reaccions contràrias. Fruch d’aquò, encuei, totei lei partits parlan de seguretat, d'immigracion e d’autrei tèmas que son lo programa dau Frònt Nacionau, en luòga de parlar dau sistèma sociau, deis inegalitats o dau despartiment de la riquesa. Poiriam dire que lo Frònt Nacionau es pas per carrieras, mai si qu'es dins la tèsta de totei, que cada jorn intègra aqueu imatge polit ò adocit qu’ofrís.
 
 
Còsta de comprene aquela acceptacion, creses pas?
 
Nosautres la comprenèm: lo Partit Socialista s’interèssa pas a la populacion e, per còntra,

« Lo cònse Stéphane Ravier, dau Frònt Nacionau, es un òme que parla ben, es pertot e sap donar un imatge moderat de se meteis, e mai se fa sièis o sèt ans lançava de cadieras ais immigrants »

lo cònse Stéphane Ravier, dau Frònt Nacionau, es un òme que parla ben, es pertot e sap donar un imatge moderat de se meteis, e mai se fa sièis o sèt ans lançava de cadieras ais immigrants.
 
 
Se sap qual assassinèt Clément Méric?
 
Un nazi qu’èra pas dau Frònt Nacionau, que vòu pas de mond que fagan de conariás en son nom. Lo recrutament fonciona a posteriòri, çò qu’es fòrça intelligent de sa part.
 
 
Que fasèm amb la classa mejana que vòta per los “socialdemocratas”, alavetz?
 
La question es pas estrictament de classa, mai de dubertura o d’exclusion. Se me demandan perqué siáu antifaissista e de senèstra, respondrai qu’o siáu perque siáu dubèrt. Per malastre, dins fòrça cas es l'invèrs: siam barrats e exclusèm, e mai entre nosautres. Es per aquò important d'aver d’espacis ont poscam avançar ensems, atraire de mond que nos comprengan. Es normau que i aga debat e conflicte perque totei siam pas de supermilitants, mai nos cau fugir la citacion que ditz: “Volèm far de grandei causas e, tant que i a pas de grandei causas per far, fasèm ren”.
 
 
 
 
Júlia Bacardit
Entrevista publicada en catalan dins Directa



publicitat
BANER1-2-3: DGPL DICTADES



Comentaris

5 d'agost 17.19h

enluec vesi pas la mendra profession de fe onte explicariá seis idèas religiosas..lo front nacionau dins la tèsta de totis... per ço que per lei marsilhès de soca, napolitans, bergamascs, gavots o piemontès,- totis aquelei que son pas musulmans de soca-s'inquietan de l'immigracion incontrolada e l'avançada mondiala dau jihadisme e deis atentats e per eli la preocupacion majoras ei que i aguèsse 200 o tres cent mil "sectateur de Mahomet" à Marselha que li èran pas li a cinquanta ans, a... Legir mai


Valoriza aqueste comentari:   votar positiu 0   votar negatiu 2
Respondre comentari replica Comentari inadeqüat   Formulari d'abús de comentari

5 d'agost 13.59h

#20

Disetz : "enluoc vesi pas la mendra profession onte explicariá seis idèas religiosas"

E coma donc podetz dire dins vòstra intervencion precedenta qu'es un 'islamista" e qu'a "lo Coran dins la tèsta"


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

4 d'agost 10.32h

veni de relegir l'entrevista d'aqueu libano-marselhès que parla espanhou a la primera persona dau plurau e enluoc vesi pas la mendra profession onte explicariá seis idèas religiosas. per quant à ieu papet dau calbrun, atèu de l'auba a solèu tremont, fai pron temps que m'instrusi en legissent leis obras d'aquelei que, maometan de neissènça, rebufan sa religion coma Hamid Zanaz e son libre "l'androna islamica la religion contra la vida" amb una prefàcia de Michel Onfray dins la revirada... Legir mai


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

3 d'agost 12.28h

Per lo conóisser personalament, seis idèas religiosas son pron claras e coerentas amb son pausicionament politic. Lo paure Papet P. dins sei deliris de calabrum de vida saup pas destriar la persona de la religion, emai vengue de Liban m'onte l'a una part gròssa de la populacion que son au còp arabs e crestians. E, evidentament, lo fach que siegue arab e sènsa religion li sembla encara mai impossible.

Una persona de qualitat, collèga de l'OPM e amb lo quau es totjorn un plaser de posquer ... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

25 de julhet 22.58h

Aquel article es pas mal tanpauc: http://www.scienceshumaines.com/qu-est-ce-que-le-jihadisme_fr_15447.html


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

25 de julhet 22.48h

#16 Aquí un article fin e non pas d'opinions completament subjectivas derivadas d'impressions flacas : http://www.lesechos.fr/30/04/2015/lesechos.fr/02140075138_olivier-roy----la-laicite-n-est-pas-une-reponse-au-terrorisme-.htm


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

25 de julhet 10.33h

http://www.marianne.net/celine-pina-islamisme-ce-n-est-pas-invasion-barbus-c-est-beaucoup-plus-insidieux-100242188.html

http://www.marianne.net/elisabeth-badinter-il-ne-faut-pas-avoir-peur-se-faire-traiter-islamophobe-100239221.html


Valoriza aqueste comentari:   votar positiu 2   votar negatiu 9
Respondre comentari replica Comentari inadeqüat   Formulari d'abús de comentari

25 de julhet 10.01h

Quan ditz que l’FN ei hens tots los caps, ne ditz pas, ce’m sembla, que totòm adereish a las ideas de l’FN (o senon "Nosotros" n’existiré pas). Segon jo que cau enténer que l’FN a aucupat un poi ideologic d’on tots los partits e’u vòlen desquilhar, de tant que tot lo debat politic ei contaminat per lo posicionament de l’opinant de cap a las proposicions de l’FN.
E de hèit l’accion politica deus partits en pè qu’a virat de cap a organizar ua societat mei securitària,... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

25 de julhet 04.54h

un mea culpa:avetz de legir l'espanhou lenga de l'antifascisme , que mon ngros det a resqulhat sus l'ordinator; quand lo cineasta musulman aguènt viscut soncament dètz ans a Marselha pretende que lei marsilhés an totis lo front nacionau en tèsta, mai lo dison pas, vesi pas perqué podriáu pas supausar qu'eu auriá pas lo Coran en tèsta ? en tot cas, un que l'a dins la tèsta per lo criticar e lo regetar ei ben Hamid Zanaz que podètz legir amb profiech- en francés l'impasse islamique e ... Legir mai


Valoriza aqueste comentari:   votar positiu 0   votar negatiu 20
Respondre comentari replica Comentari inadeqüat   Formulari d'abús de comentari

24 de julhet 14.03h

La longevitat qu’a aumentat tant que lo capitalisme èra efectivament au servici deu progrès, e qu’èra equilibrat per contrapoders eishits de la societat, aquesta òrra sèrva d’esquerristas. Shens eguet ni contròle, qu'am labos farmaceutics e agroalimentaris qui emposoan lo monde, un mendre accès a la santat, e ua esperança de víver qui torna baishar: http://www.lemonde.fr/societe/article/2016/01/19/l-esperance-de-vie-en-france-recule-pour-la-premiere-fois-depuis-1969_4849747_3224.... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2
-
3 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 11
  • sol Aush 11
  • sol Bordèu 12
  • sol Briançon 13
  • sol Caors 11
  • sol Carcassona 13
  • sol Clarmont-Ferrand 11
  • sol Confolent 13
  • sol Gap 13
  • sol La Canau 13
  • sol La Gàrdia 13
  • sol Limòtges 11
  • sol Lo Borg Sant Dalmatz 15
  • sol Lo Puèi de Velai 8
  • sol Marselha 18
  • sol Montpelhièr 15
  • sol Naut Aran 8
  • sol Niça 19
  • sol Nimes 16
  • sol Pau 12
  • sol Peireguers 11
  • sol Rodés 11
  • sol Tolon 12
  • sol Tolosa 11
  • sol Valença 15

giny

giny

Vidèos

giny

giny

giny

publicitat

lateral 2 teveoc

Fotografias

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Mobilizacion a Brelh de Ròia per fin de sostenir lo mantenement de la linha Niça-Coni

    Mobilizacion lo diménegue 25 de mai a Brelh de Ròia per fin de sostenir lo mantenement de la linha Niça-Coni

  • © Laurenç Revèst

    Menton, 'a vivaroalpenca maritima

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Chau Viva

    Qualques salas de classa d'occitan en collègi

  • Era còlha dera ADÒC ath trabalh

  • © Conselh Generau d'Aran

    Lo Torn de França 2016 en Aran

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Lissandre Varenne

    Senhaletica en Marjarida

  • Asuèlhs de Garnagués. © Franc Bardòu

    Asuèlhs de Garnagués

  • Lo grand passacarrièra de Rodés. Occitan Pride 2013

  • Los Pokémons de la 3a generacion revirats en occitan

  • © Franc Bardòu

    País Bordalés

  • Los Pokémons de la 3a generacion revirats en occitan

  • © Zep Armentano

    Era Mongetada (Val d'Aran 28-29 d'octobre 2017)

  • © Laurenç Revèst

    Las Cevènas, Barjac en Val de Cese

  • © Aure Séguier

    Carnaval Biarnés 2017

  • © Margaria Pepin

    Adobament dal Grand Prèmi de Mónegue de 2014

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Franc Bardòu

    Asuèlhs de Lauragués

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)