Nòvas


18-8-2019

A rescontrat l’òme que li ofriguèt una bicicleta fa 24 ans, quand èra refugiada

imatge Mevan Babakar viu a Londres e es una gojata de Curdistan de 29 ans que, gràcias a Twitter, ven de trobar l’òme que li crompèt una bicicleta quand ela era refugiada als Païses Basses dins los ans 1994 e 1995. “Adieu-siatz, Internet!”, çò escriguèt sus Twitter dins una tièra de fiuladas ont explicava son istòria e que voliá trobar aquel òme tan generós. “Vòli solament saber son nòm, m’ajudatz?”, çò demandava.
 
Los messatges de Babakar foguèron refiulats mai de 3000 còps e, fin finala, arribèron fins a Arjen van de Zee, un fotograf resident a Zwolle que reconeguèt lo benfactor: èra un de sos ancians collègas benevòls del camp de refugiats sonat Egbert que demorava en Alemanha dempuèi qualques annadas. Tanlèu localizat l’òme, Mevan Babakar es anada lo rescontrar per lo mercejar.
 
Bakabar e sa maire avián fugit lor país pendent la Primièra Guèrra del Golf, e traversèron Turquia, Azerbaitjan e Russia fins qu’arribèsson al camp de refugiats neerlandés de Zwolle. Aquí Babakar coneguèt Egbert, un benevòl que dirigissiá lo magazin ont los refugiats sollicitaires de l’asil cercavan de qué se fornir. Un jorn, Egbert vesitèt Babakar e sa maire dins lo camp de refugiats e lor ofriguèt coma present doas bicicletas, una per la maire e l’autre per la filha. Puèi, elas partiguèron devèrs lo Reialme Unit ont trobèron l’asil. Ara Babakar trabalha dins una organizacion caritativa.
 
Per ela, lo present “foguèt un gèst fòrça polit”. E mai precisava: “Quin enfant aimariá pas un present talament grand?”. Totun, çò mai important foguèt que gràcias a aquela dona, la filha recobrèt la fisança en se après tant de temps de patiments e dificultats.
 
 

WE FOUND HIM!! A thread

After 3000 RTs, 3 news articles, 1 video and thousands of wonderful messages from around the world, @Arjen78 made contact with the family!

Guys, I knew the internet was great but this is something else. https://t.co/H4qmL1uVqQ

— Mevan | میڤان (@MeAndVan) August 13, 2019

 

A final photo, with a rare smile! Photo credit goes to @Arjen78. One for the mantlepiece, I think. pic.twitter.com/IcZEv3JtlQ

— Mevan | میڤان (@MeAndVan) August 15, 2019

 
 
 

 

Veire l'article sul web
© Jornalet       Version web