Pel seten an consecutiu, lo departament dels Nauts Pirenèus prepausa una jornada culturala consagrada a l’occitan pels collegians de 3a, mai que mai, e pels qu’aprenon la lenga al collègi. La tòca es de far descobrir als joves las possibilitats de perseguida de l’estudi de l’occitan al licèu e l’universitat, e tanben las carrièras dins las qualas practica de l’occitan constituís un avantatge. L’eveniment lo sosten l’administracion regionala per mejan de l’Ofici Public de la Lenga Occitana (ÒPLO).
 
Aquela jornada se debanarà lo 29 de març a Gerda (Naut Ador), a l’ostalariá Carré Py’, e serà l’ocasion pels joves collegians de conéisser los professionals de l’occitan. En mai d’aquò, los participants seràn convidats a diferentas animacions... I aurà un casting pel doblatge de filmes e un concèrt de The Incredible Garuche Band.
 
Per mai d’informacion podètz descargar lo dorsièr çai jonch o contactar l’encargat de mission de cultura occitana del departament, Robert Tamburello, per e-mail o al telefòn +33(0)5 62 56 71 37.

 

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a. Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…