Un vidèo que mòstra 153 liceans interpelats per la polícia francesa, agenolhats contra de murs de betum o sul sòl amb las mans sul cap a causat l’indignacion dins tot l’estat francés e endacòm mai. Lo mai jove a 12 ans. L’interpelacion se passèt dijòus passat a Mantes-la-Jolie, a unes 60 km a l’oèst de París, e divendres, lo ministre de l’educacion, Jean-Michel Blanquer, declarèt èsser “chocat” per aqueles imatges.
 
La polícia interpelèt collectivament los joves per reprimir las protèstas dels estudiants que, parallèlas amb lo movement dels Gilets Jaunes, se debanan dempuèi dimars passat dins tot l’estat francés. Justifiquèron aquela interpelacion violenta e umilianta a causa d’incidents qu’avián agut luòc dins dos licèus de la vila.
 
La presidenta de la region de l’Illa de França, Valérie Pécresse, dels Republicans, defendèt l’accion de la polícia e critiquèt los elegits que donavan rason “als qu’an emplegat la violéncia”. Per Pécresse, “l’obsession dels policièrs èra de ferir pas cap d’estudiant”, segon çò que diguèt a la ràdio France Info.
 
Per contra, lo cap del partit Generacion·s e èx-candidat socialista a la presidenciala francesa, Benoît Hamon, a criticat amb duretat l’accion policièra: “Glaçant. Inadmissible. Aquò es pas la Republica. Lo jovent francés umiliat. Mas que cèrca lo poder senon la colèra en retorn?”, çò ditz sus Twitter.
 
E François Ruffin, de La França Insomesa, diguèt: “Que pensar d’un poder que tracta atal son jovent? Que ten pas que per la fòrça de las matracas. Qu’a pas pus d’avenir. Qu’es a l’agonia.
 
De son caire, la directritz generala d’Oxfam en França, Cécile Duflot, diguèt qu’es “simplament intolerable”.
 

 

D'autres images de l'interpellation de dizaines de lycéens, aujourd'hui à Mantes-la-Jolie. pic.twitter.com/ghv8K91e7l

— Violences Policières (@Obs_Violences) 6 de desembre de 2018

 

 

Glaçant, inadmissible. Cela n’est pas la République. La jeunesse Française humiliée. Mais que cherche le pouvoir sinon la colère en retour ? https://t.co/NJ9N0saBs5

— Benoît Hamon (@benoithamon) 6 de desembre de 2018

 

Il faut dire les choses posément mais fermement : ce qui s’est passé avec les lycéens de Mantes-la-jolie - ces scènes dont il existe de nombreuses photos et vidéos - est simplement intolérable.

https://t.co/mD1aFWZulz

— Cécile Duflot (@CecileDuflot) 6 de desembre de 2018

 

Que penser d’un pouvoir qui traite ainsi sa jeunesse?  Qu’il ne tient que par la force des matraques. Qu’il n a plus d'avenir. Qu’il est à l’agonie. https://t.co/1uV2CUG1if

— François Ruffin (@Francois_Ruffin) 6 de desembre de 2018

 
 
Macron fortifica París en prevision de protèstas durant la dimenjada
 
En prevision de las protèstas que tornaràn aquesta dimenjada, coma dins las precedentas, lo Ministèri de l’Interior francés a decidit de fortificar París. Las principalas vilas d’Occitània tanben viuràn de protèstas mas sabèm pas quinas previsions ne fa lo ministèri. Cossí que siá, i mandarà fòrça policièrs, 89 000 agents son mobilizats dins tot l’estat francés, dont 8000 a París.
 
Aqueste còp, lo ministèri a mobilizat pel primièr còp una dotzena de
veïculs blindats capables de destruire de barricadas.
 
Los musèus de París e la tor Eiffel seràn barrats, e mai la prefectura de la polícia a demandat als comèrcis dels Aliscamps de clavar.