Bandièra01 1180x150: Comuna de Tolosa

Actualitats

De tractaments inumans infligits als darrièrs presonièrs politics catalans

Los avocats e las familhas denóncian de situacions d’isolament. Un dels detenguts a pas encara pogut veire son avocat après tres setmanas

Un dels mai recents presonièrs politics catalans arrestats en setembre passat, Ferran Jolis, a pas pogut encara rescontrar son avocat malgrat que faga tres setmanas qu’es encarcerat près de Madrid. Lo collectiu d’avocats Alèrta Solidària a denonciat aquela situacion e exigís que s’assigne enfin un avocat a Jolis. “Avèm presentat d’escriches, de denóncias al poder judiciari, avèm telefonat cada jorn, mas cap de responsa”, çò planhon.
 
En mai d’aquò, lo detengut se tròba dins una cellula sens lum ni lutz e lo fan anar al refectòri al darrièr torn, çò qu’a damatjat grèvament sa santat mentala, çò a denonciat l’oncle de Jordi Ros, un autre dels presonièrs.
 
Alèrta Solidària a tanben deplorat que, en mai de las restriccions genericas implicadas per l’inclusion dels detenguts dins un regim especial antiterrorista, lor ajan impausat lo limit de poder mandar solament doas letras per setmana e lor temps de pati siá  de solament tres oras. “Aquò vòl dire que la persona demòra dins sa cellula la rèsta del jorn, quitament pels repaisses”, çò an denonciat. “De privar del drech a l’intimitat, del drech a la socializacion, del drech a poder comunicar, etc. es una violacion flagranta dels dreches de quina persona que siá pel fach d’èsser una persona”.
 
Ferran Jolis, Jordi Ros, Xavier Duch, Eduard Garzón, Xavier Buigas, Germinal Tomas e Alexis Codina los arrestèron lo 23 de setembre passat devèrs 5h del matin dins lors ostals. Lo ministèri public los acusa d'apertenéncia a organizacion terrorista, de téner d’explosius e de conspirar per causar d’atemptats. Las pròvas serián qualque material pirotecnic, d’una còla locala que fa d’espectacles tradicionals, un topin e de produches quimics dels que son normalament a l’ostal. Ça que la, lo jutge rebutèt los arguments dels avocats e diguèt que los encarcerava per evitar que cometèsson d’atemptats terroristas car los detenguts fasián partida d’una organizacion que, segon el, “vòl instaurar la republica catalana de qualque manièra que siá, compresa la violenta”.
 
 
 
 
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Tot açò s'ha de portar al Conselh d'Europa que ja altras vegadas s'ha pronunciat sonbre la repression contra Catalunha de los Drets Humans.

  • 2
  • 0
Pitaluga
3.

#2 Es vertat qu'amb çò qu'a tustat sul gilets jaunes, e las nafras incomptablas infligidas, lo govèrnament francés qu'a cobèrt l'accion de sa polícia risca pas de far de remarcas al Sanchez. Sustot que son complicis dins lor defensa del sacrosant mercat que lo cal pas destorbar amb de demandas democraticasJa o a dit Macron, e sus aqueste sicut i a pas de Pirenèus: Los que son pas amb nosautres son de gents de res.

  • 8
  • 0
V per Vendetta
2.

Governants franceses e espanhòls contra GJ e Independentistas : al tribunal penal internacional per crilis contra l'umanitat !

  • 14
  • 0
Maxi Tolosa
1.

"porta 20 dies", llevar en castelhan...se pòt pas dire pariu en catalan/occitan.
"fa 20 dies" es mai simple emai...

  • 8
  • 2

Escriu un comentari sus aqueste article