Bandièra01 1180x150: Comuna de Tolosa

Actualitats

Las Edicions dels Petits Papièrs presentan una rejoncha de poèmas de Gèli Grande

L’òbra seguís una comanda passada als autors de l’ostal d’edicion a l’entorn de la color roja e de çò que lor evocava personalament

Tèxte legit

Les Edicions dels Petits Papièrs venon de publicar una rejoncha de Gèli Grande entitolada Puntas de Roge. S’agís d’una causida d’una quinzena de tròbas e de tèxtes cortets escriches entre 1979 e 2019. “I a un instantanèu, i a de causas mai politicas, i a d’epicurisme, i a de jòcs d’assonàncias e un imne al rugbi occitan”, çò a explicat l’autor a la redaccion de Jornalet.
 
 
“Publicar sonque en occitan es un acte de resisténcia”
 
L’òbra seguís una comanda passada als autors de l’ostal d’edicion dels Petits Papièrs a l’entorn de la color roja e de çò que lor evocava personalament. Coma dins las publicacions precedentas, Grande aprestèt un amàs de tèxtes en occitan que puèi revirèt en francés. Mas, aqueste còp, mandèt pas la revirada. “Un còp l’obratge publicat, decidiguèri que n’i aviá lo sadol e que lo publicariái lèu-lèu en occitan sens revirada francesa. Decidiguèri tanben que desenant seriá parièr pels libres venents”, çò nos explica Grande. “Per ieu, publicar sonque en occitan es un acte de resisténcia e de patriotisme occitan tant coma d’escriure dins Jornalet o Lo Lugarn”, çò precisa.
 
 
 
 
GRANDE, Gèli. Puntas de roge. Éditions des Petits Papiers, 2021. 18 paginas. 7 èuros + 3€ de còstes de mandadís. Per cada comanda, se donarà un èuro a Calandreta.



  

 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article