Bandièra01 1180x150: Comuna de Tolosa

Actualitats

Lo Grand Mur Verd d’Africa es ja fach a un 15%

Lo projècte, realizat per un vintenat d’estats, cèrca d’arrestar la desertificacion, de reduire las secadas e d’aduire de seguretat alimentària

Environ una vintena d’estats d’Africa se son meses d’acòrdi per crear una granda barrièra verda, que traversarà lo continent de l’ocean Atlantic fins a la mar Roja. Lo projècte se nomena Grand Mur Verd (en anglés Great Green Wall) e sa tòca es d’arrestar la desertificacion e de reduire l’intensitat de las secadas.
 
Lo projècte cèrca de restaurar 100 milions d’ectaras de bòsc e es previst que siá alestit en 2030. A l’ora d’ara, es fach a un 15% mas los efièches positius se fan ja sentir. D’un caire, s’es portat una seguretat alimentària a cèrts pòbles qu’èran dels mai desfavorits de la planeta. D’autre caire, lo projècte a creat d’emplecs e melhorat l’economia de la region.
 
Aquela iniciativa poiriá jogar tanben un ròtle important dins la lucha contra l’escalfament global e lo cambiament climatic. Quand aquel enòrme bòsc serà madur, los arbres poirián absorbir aperaquí 250 milions de tonas de dioxid de carbòni.
 
Podetz vesitar lo sit del projècte Great Green Wall.
 
 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
1.

Potser es una boixeria, però si surtis be , donaria molta empenta a la regeneració des ecosistemes forestals, qui sap potser pot aportar solucions!?
Es una bona proposta, mentre no destrueixi els ecosistemes indígenes...
Visca la terra...Lliure!
L'Ernest, "El Tàrrega".

  • 0
  • 0

Escriu un comentari sus aqueste article