Actualitats
L’UE crearà un “sistèma d’alèrta” contra las falsas informacions per las eleccions europèas
La Comission Europèa vòl doblar lo budget del Servici d’Accion Exteriora de l’UE per combatre las falsas informacions
La Comission Europèa (CE) crearà un “sistèma d’alèrta rapida” contra las falsas informacions per las eleccions europèas. L’executiu de l’Union Europèa anoncièt dimècres passat qu’establiriá aquel mecanisme en març de 2019 “per generar d’alèrtas” sus las falsas nòvas “en temps real” e facilitar l’escambi d’informacions entre los estats membres e las institucions europèas.
Segon la CE, lo sistèma serà basat sus “una comunicacion proactiva e objectiva de las valors e de las politicas de l’Union”. Lo plan per “se protegir” d’atacas informativas contra las eleccions de 2019 comprendrà tanben un budget del Servici d’Accion Exteriora de l’UE per combatre las falsas informacions. E mai cercarà de refortir l’unitat diplomatica europèa amb 5 milions d’èuros e d’engatjar 50 salariats especializats.
“Una democracia sana deu èsser basada sus un debat public dobèrt, liure e just. Nòstre dever es de protegir aquel espaci e de permetre pas que degun propage de desinformacions que noirisson l’òdi, la division e la mesfisança envèrs la democracia”, çò defendèt la Nauta Representanta de l’UE a l’exterior, Federica Mogherini.
Segon la CE, lo sistèma serà basat sus “una comunicacion proactiva e objectiva de las valors e de las politicas de l’Union”. Lo plan per “se protegir” d’atacas informativas contra las eleccions de 2019 comprendrà tanben un budget del Servici d’Accion Exteriora de l’UE per combatre las falsas informacions. E mai cercarà de refortir l’unitat diplomatica europèa amb 5 milions d’èuros e d’engatjar 50 salariats especializats.
“Una democracia sana deu èsser basada sus un debat public dobèrt, liure e just. Nòstre dever es de protegir aquel espaci e de permetre pas que degun propage de desinformacions que noirisson l’òdi, la division e la mesfisança envèrs la democracia”, çò defendèt la Nauta Representanta de l’UE a l’exterior, Federica Mogherini.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Segur que la dreta eurropea farà un detector de mentides. Mas se son eles los grandissims messorguiers!!! Quina barra que tenen !
E l'UE alertarà sus las falsas informacions de La Vanguardia de Barcelona a prepaus de l'independéncia d'Eslovènia? Sul fach de cargar los 62 mòrts suls eslovèns quand son deguts a l'ataca sèrba contra Eslovènia? Un jornal que se calèt tot lo temps del franquisme sus de desenats de milièrs de mòrts?
E parli pas de La Razon, El Pais, ABC e autres...
Quant a França, la desinformacion, quand son pas las messorgas, i a bèl brieu qu'an ganhat quitament los jornals autoproclamats "de referéncia".
E de mai, ausit al vièlh marcamal de Labro: "Las gents rasonablas son d'acòrdi amb la politica de Macron." "Rasonablas" vòl dire los que sabon rasonar, perdequé un escrivan sap que cal comprene tanben çò que se ditz en cròi: los autres sabon pas rasonar, ergo son de bestiasses, ergo l'intelligéncia nos es reservada a nosautres de la classa politicomediatica. Ergo aquel mond fan de mesprètz quitament sens se'n mainar tant lo susan per totes los pòrs.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari