Bandièra01 1180x150: Comuna de Tolosa

Actualitats

Puigdemont en Belgica: “Sèm arribats fins aicí pr’amor que volèm arribar plan luènh”

Los conselhièrs exiliats e un fum d’elegits e de ciutadans de Catalonha e d’Aran recebèron lo president catalan a Waterloo dissabte passat

| Quim Torra
Carles Puigdemont tornèt dissabte a Brussèlas après sa detencion en Alemanha en març passat e après aver vencut las tèsis judiciàrias de l’estat espanhòl davant la cort federala de Slesvig-Holstein. A Waterloo, a l’ostal de la Republica de Catalonha e Aran en exili, lo president de la Generalitat de Catalonha exiliat rescontrèt lo president de la Generalitat de Catalonha en foncions, Quim Torra, los conselhièrs en exili e un fum d’elegits e de ciutadans de Catalonha e d’Aran, dont la deputada occitana Anna Geli que raportèt la jornada sus Twitter. Aquí faguèron una ceremònia per la libertat dels presonièrs politics.
 
Torra afirmèt que los que luchan per la libertat e los dreches umans son “del costat corrècte de l’istòria”. Quant a Puigdemont, assolidèt qu’èra pas son darrièr viatge, e que pensava de viatjar en Euròpa tota “per defendre la libertat”.
 
“Sèm arribats fins aicí pr’amor que volèm arribar plan luènh”, çò apondèt Puigdemont en precisar qu’el sabiá tre lo començament que sa detencion en Alemanha finiriá plan, “perque se tracta pas de saber se lo camin es long o aisit, lo fach es que i a de camin”.
 
A l’eveniment foguèt tanben present Valtònyc, lo cantador de rap de Malhòrca exiliat tanben en Belgica car la justícia espanhòla l’a condemnat a tres ans e mièg de preson per aver cantat contra la monarquia espanhòla. “Uèi soi ieu l’exiliat, mas deman o pòdes èsser tu, o pòt èsser ton fraire, ton filh, ton amic. Los dreches son pas un present mas se conquistan. La desobesissença es lo sol camin, la resisténcia davant l’opression”, çò diguèt lo musician.
 
 
Dins 18 meses Catalonha pòt aver sa cadièra a l’ÒNU
 
De soslinhar l’intervencion de Ben Emmerson, un avocat britanic especializat en dreches umans que pòrta l’afar de Puigdemont e dels autres exiliats davant l’ÒNU. Aqueste ensagèt de far son intervencion en catalan e diguèt que “dins 18 meses, quand Catalonha aurà a las Nacions Unidas sa cadièra coma estat independent, [son] catalan se serà melhorat”.
 
 
Lo sosten a Pedro Sánchez es pas brica un renonciament
 
Interrogat sul supòrt de l’independentisme catalan al govèrn espanhòl de Pedro Sánchez, la responsa dels dos presidents foguèt neta e clara. Mai o mens los dos respondèron qu’aquesta seriá la legislatura de l’autodeterminacion e que renonciarián pas a l’uniteralitat de cap de biais. Los dos presidents afirmèron que tota possibilitat d’acòrdi amb Sánchez seriá benvenguda, mas qu’en cap de cas se renonciariá al resultat del referendum del 1r d’octòbre passat.
 
 
 





abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

carles paisos valencians
10.

#9

Escrache de los CDR a ERC: «Desobedeced o dimitid»
Pintan la sede de los republicanos pidiendo "desobediencia"

  • 0
  • 4
carles paisos valencians
9.

#6

llibertat en catalunya??????
aguaita ... elsmataràn els uns als altres acusant-se de tra

  • 0
  • 5
E Passa Que T Ai Vist
8.

Dempuei la debuta es pro clar que Puigdemont e Catalonha son dins lo sens vertadier de l'
Istoria. Lo neo-franquista Rajoy es jà passat dins las pobèlas de l'Istoria, mens d'un an aprep la declaracion d'independencia. Los medias franceses qu'un cop de mai se son enganats, tan coma lo drollet Macron, se calan prudentament sus aquel afar. Segur que lèu o tard Catalonha independenta aurà son sèti a l'ONU. Podon jangolar los goses, la caravana fai son camin...

  • 6
  • 2
Francesc palma
7.

Què non saunegen tant e que dialoguen d'una vegada, amb los ped ben enterra.

  • 2
  • 1
cataloccitá cataloccitánia
6.

carles: la llibertat de catalonha cada vega román mes a prop.

  • 8
  • 0

Escriu un comentari sus aqueste article