#7 Es exactament a aquò que fasiái elipticament referéncia en parlant de "tensions e frustracions"…

#12 Vist que non dónon ai ensenhaires lu mejans per faire respectar la lèi, sièrve de ren!
Au contrari, lu escolans diran: "ai pas lo drech de l'aver, ma me podètz pas empachar!".
Dins lo mieu Liceu, quora lo reglament èra de confiscar lo telefonet e d'avertir lu parents que lo venguésson cercar dins la jornada, ai vist de parents telefonar dins la minuta à la Direccion dau Liceu en diguent: "L'enfant vèn de mi far saupre u'un professor li a confiscat lo sieu telefòne, se lo li fètz pas rendre dins la minuta, avertissi lo mieu avocat" (perqué, evidentament, l'escolan avia avertit lu parents denant que lo professor auguesse lo temps d'avertir l'Administracion - e parierament, en cas d'exclusion, l'escolan telefòna ai parents pendent lo trajècte fins au bureu dau CPE, qu'es avertit per lu parents denant d'aver aculhit l'escolan).

Cresi per un cop que fan ben.

D'un temps, pendent un contraròtle, donavi lo subjècte e podii faire autra caua pendent que lu escolans èron à travalhar. Au jorn d'encuèi, se fau coma aquò, dins la minuta que seguisse an lo telefòne en man.
M'es acapitat sovent de n'en peçugar m'un traductor automatic (que, evidentament, an laissat dubèrta la foncion "prononciacion" e audi clarament cen qu'an demandat au telefòne de li revirar!).
E non vos parli dei devers d'adestrament ni dau Bac Blanc, qu'au moment de la correccion t'avises que n'i a qu'an emplegat son telefonet.
E cada an n'en peçugam au Bac...

#8 Es pas çò que lor deguèt prendre mai de temps, e permet d'afortir los règlaments interiors. Lo combat serà rufe! I a pas qu'a agachar lo monde: lo telefonet sembla empeutat a las mans de la mitat de l'umanitat. Benlèu que dins lo collègie de Terric Lausa aquò se passa plan, mas es pas lo cas pertot; e encara, los problèmas (confiscacion, sancion) se pausan solament pels usatges que son reperats e senhalats pels adultes; quantes de personas (professors, agents, escolans) son enregistrats, fotografiats, filmats sens o saber dins los establiments escolar? Quantes de messatges son escambiats pendent los corses. Demandatz o a d'escolans onestas e auretz una idèa que podètz pas imaginar.
Autra causa, dins mon establiment cal atudar lo tefefòn en entrant dins l'establiment; faguèri dos còps l'ensag ongan, demandèri als escolans de sortir lor telefonet e demandèri "qual l'a atudat?" totes respondèron positivament. Pausèri qualques questions suplementàrias "qual l'a botat en mòde "mut"? o en mòde "avion"...? " e ben vos avisatz que per eles es parièr qu'atudat estant que desrenga pas degun (levat eles). Es a dire que los escolans (amai los aimables tot plen) an un telefonet en foncion dins la pòcha, e reconeisson aver vist de camarades "mai d'un còp" l'utilizar dins l'esquina del professor (e parlem pas dels corredors e del pati).
Un teste simple: demandatz l'ora als escolans: sortiràn lo telefonet (an pas mai de mostra, que un tèrç sap pas legir l'ora mab las agulhas) e o vos diràn. Signe que lo telefonet es pas atudat!