Bandièra01 1180x150: Comuna de Tolosa

Actualitats

An identificat una espècia de balena jamai vista, a la còsta de la Nòva Zelanda

| © Ministerio coordinador de conocimiento y talento humano de Ecuador
S’agís de dos exemplars de balena becuda de Bahamondes (Mesoplodon traversii), una espècia que fins ara solament se n’èra localizat de rèstas d’òsses e se cresiá que s’èra estencha. Las doas balenas, un pichòt mascle de 3,5 mètres e la siá maire de 5 mètres de long, foguèron localizadas sus la plaja d’Opape en decembre de 2010, mas s’èra pensat qu’èran d’exemplars d’una espècia comuna dins la zòna, las balenas becudas de Gray.
 
L’analisi de l’ADN de las doas balenas determinèt que s’agissiá d’una autra espècia, la balena becuda de Bahamondes. Fins ara solament se’n coneissiá qualques paucas rèstas d’òsses trobadas en Nòva Zelanda e en Chile dins un periòde de 140 ans.
 
La biologista Rochelle Constantine, qu’a participat a l’estudi de las doas balenas, considèra que la trobalha es fòrça importanta en prenent en compte lo temps qu’es passat sens cap de pròva de vida d’aquel grand mamifèr. Constantine o justifica amb la possibilitat que la balena becuda de Bahamondes siá una espècia que viu e morís solament en aigas fòrça prigondas de l’ocean e que siá fòrça malaisit qu’arribe arrossegada a la còsta.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jacme Tolosa
2.

es un pauc coma Catalonha, desapareis en 1714 e tornarà en 2014....

  • 1
  • 0
Pirolet
1.

I aguèt ja lo cœlacant. Òm pensaba qu'aviá disparescut dempuèi la preïstòria, que ne demoraba que d'òsses, e puei se ne tornèt trapar dins lo canal del Mozambic. Ara las balenas becudas de Bahamondes. Tanben l'ebrèu, fa qualques lustres, ne demoraba gaireben que los òsses. Vesètz ben que i a mai que d'espèr!

  • 3
  • 0

Escriu un comentari sus aqueste article