Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBearnPalés

Pau: tot es prèst per la 14a edicion del Hestiv’òc

La vila de Pau aculhirà entre los 17 e 19 d’agost lo festenal Hestiv’Òc. La musica, la dança, los espòrts, lo cinèma, lo teatre, las tradicions, los jòcs, la literatura, lo cant e las danças tornaràn èsser los protagonistas de la capitala bearnesa pendent tres jorns. Aquel festenal es un rendètz-vos cultural occitanista obligatòri de cada estiu, e es organizat per l’associacion Accents del Sud.


Del 17 al 19 d’agost Bearn serà un an de mai lo caireforc de las culturas occitanas. La catorzena edicion del festenal Hestiv’òc ten ongan mai de 30 grops e companhiás dont cal soslinhar Mauresca, Lo Còr de la Plana, André Minvielle, Xutik, Alidé Sans, Los Seuvetons, Aqueles, Caliu, Les Accords’Léon, Lurte e los catalans Oques Grasses.
 
Lo festenal comença totjorn amb una impressionanta “cantèra” d’obertura e puèi prepausa durant tres jornadas sus la granda scèna o al teatre de Sant Loís de fèstas pels enfants, de concèrts, d’estanquets de restauracion, d’espectacles en vila...
 
Hestivòc nasquèt en 2005 a partir de l’iniciativa volontària d’Accents del Sud. Aquela organizacion culturala a un vintenat de personas benevòlas qu’arriban d’èsser 80 pendent los jorns del festenal. La division dels prètzfaches en còlas de trabalh es la clau del succès de l’associacion. Cal cercar l’origina del Hestiv’Òc pendent l’an 2003, quand dos sòcis fondadors verifiquèron lo succès del Festenal Interceltic de la vila bretona d’An Oriant. Dich e fach. Un an puèi, creèron, amb mai de mond motivats, l’associacion Accents del Sud amb la tòca d’impulsar un festenal cultural, que vegèt lo jorn en 2005.
 
Lo festenal se caracteriza tanben per una actitud responsabla e solidària. I a una atencion especiala per las personas amb de problèmas de mobilitat; en mai d’aquò, l’organizacion ensaja de veire qu’una granda part del material emplegat siá reciclable e que los participants partegen las veituras per congestionar pas la vila. Coma totjorn, totes los espectacles son gratuits e destinats al public familial.
 
Podètz trobar tota l’informacion e lo programa del festenal aicí, sul sit web del Hestiv’Òc, e mai se, malaürosament, es solament en version francesa.
 
 
Present dins 14 restaurants de tot Bearn
 
Durant mai de doas setmanas, del 1r al 19 d’agost, 14 restaurants de tot lo país de Bearn se meton a las colors del Hestiv’òc. Es una bona ocasion per i anar partejar d’especialitats del país.

 
 

 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
3.

Ànims i que se senti!
A fer-la grossa!
Visca la Terra...Lliure!
L'Ernest, "El Tàrrega".

  • 0
  • 0
Anta Lyon
2.

Una causa de mai : segon le siti, seriá 30€ en mejana que cada persona poriá amassar per annada. Se totes les legeires jogan le jòc, fariá une polida canhòta!

  • 0
  • 0
Anta Lyon
1.

Adiu le monde! *

Sabi pas ont postar aquò mes coma me soi avisat que Jornalet a problèmas de finançament et tanben que força legeires an pas totjorn la possibilitat de li'n balhar pro, ba fai aicí, me'n excusaretz.

Ièr, una collèga de trabalh m'a assabentat qu'exista un motor de recèrca tot coma Google, mes que sa tòca es d'amassar d'argent cada còp que cercatz quicòm e que podetz puèi decidir ont repartir, quin projecte, quala associacion sostenir. Se sona 'Lilo.org', i a ja un fum de projectes.
Es sonqu'una pichona extension que podetz ajustar a gràtis dins vostre navigator chrome (pas
.
Pr'amor, cal prumièr que la còla de Jornalet i enròtle le siti per que poscam li donar ço qu'amassèm. "Lilo attribue 50% aux projets sociaux et environnementaux", ça ditz le siti, donc soi pas segur, mes pensi que Jornalet poria far valer son engatjament ciutadan? Sabi pas mes ès quicòm d'ensajar, ja que i un projecte per "valoriser la grande diversité des langues de l'immigration".

Pensi que seriá un polit mejan d'ajudar a Jornalet per les que pòden pas ba far amb lor pròpri argent. E, quin sap, benlèu i aurà de monde que son pas legeires mes que volràn ajudar tanplan.

De segur, donarei tot ço qu'acamparei a Jornalet.

S'ètz interessats, ès aquí : https://www.lilo.org/fr/#


* densecusatz-me per la mieuna lenga e las mieunas pècas, ei aprengut la lenga quasi solet, ambé un pauc d'ajuda de la mieuna menina per parlar e de Jornalet per legir (e escriure).

  • 5
  • 0

Escriu un comentari sus aqueste article