Actualitats
Los Dragons Catalans a Wembley!
Aqueste dimenge, los Dragons Catalans an escrit una bèla pagina d’istòria que demanda d’èsser confirmada dins tres setmanas sus la pelena de… Wembley!
Alan Roch
Cup-1: los Sants pèrdon l’oremus
Òm se brèça de la gloriosa incertesa dels espòrts, mas caliá èsser plan somiaire per imaginar lo scenari d’aquesta mièja finala de Cup a Bolton entre los Dragons e la terror de la Superliga, Saint Helens. Los catalans dintrèron determinats. Drinkwater passèt una penalitat (8a) abans de mandar Tierney darrèr la linha e de transformar (19a). Los Dragons, solidaris e demultiplicats en defensa, resistissián a la pression anglesa, e Ben Garcia puntava un ensag a la mièja ora de jòc. Gigòt ajustava un tombat. Un anglés preniá un carton jaune e los catalans marcavan: la penalitat, un ensag de Gigòt aprèp una traucada de Jullien e tornarmai ensag de Ben Garcia. E òc, lo planchòt indicava 27-0 pels Sang e Aur a la pausa.
St Helens tornava motivat sus la pelena, mas Drinkwater rajustava una penalitat (44a). Los angleses escartavan la palma e marcavan dos còps per tornar a 29-10; mas a l’ora de jòc, lo pilar Sam Moa depausava la palma al pè dels pals de Saint Helens. La messa èra dita: un darrièr ensag anglés podiá pas capvirar lo sòrt de la partida e la victòria bèla (35-16) dels catalans que los mena a tornar trapar Wembley onze ans aprèp la finala perduda contra… Saint Helens! Èra fèsta a l’aeropòrt de Perpinhan cap a mièjanuèit: los sostens preparan eles tanben lo viatge a Wembley lo dissabte 25 d’agost!
Cup-2: los Lops an las dents longas
La segonda mièja finala opausava los Lops de Warrington e los Rinocèros de Leeds. Al cap de vint minutas, Warrington prenguèt l’avantatge per menar 26-6 a la pausa e contunhar sul meteis ritme dins lo segond temps: victòria 48-12.
Leeds traparà un pauc de consolacion amb la victòria de son equipa feminina en Cup (20-14, contra Castleford).
Plaça al Super-8
La segonda fasa del campionat de Superliga se debana amb las esquipas que gardan los punts recampats dempuèi la debuta de sason. Atal, se vei pas tròp cossí los qualificats per las mièjas finalas serián pas los primièrs 4 actuals:
1) St Helens, 42 punts; 2) Wigan, 32 punts; 3) Warrington, 31 punts; 4) Castleford, 29 punts, an fait lo trauc amb 5) Huddersfield, 23 punts; 6) Hull FC, 22 punts; 7) Wakefield, 21 punts (+ 75); 8) los Dragons, 21 punts (- 41)
St Helens es ja en mièja finala
De bons resultats permetràn als catalans de ganhar qualques plaças e qualque moneda de mai en provenença de la Superliga. Los catalans se desplaçaràn quatre còps: Warrington (aqueste divendres 10 d’agost; un avantgost de finala de la Cup!), Castleford (dissabte 1r de setembre), Wakefield (divendres 14 de setembre) e Hull FC (dissabte 22 de setembre). Reçaupràn tres còps a Brutus: Wigan (lo dissabte 18 d’agost), St Helens (dissabte 8 de setembre) e Huddersfield (lo dissabte 29 de setembre).
Los trabalhs d’Ercules per Tolosa
En acabant tresens de la primièra fasa del Championship, los tolosans an tres recepcions a assegurar a Blanhac e quatre desplaçaments per considerar la montada en Superliga. Reçaupràn Halifax (dissabte 18 d’agost), Widnes (dissabte 1r de setembre) e Hull KR (dissabte 22 de setembre). Començaràn la competicion aqueste dissabte 11 d’agost cò dels campions de 2017 de la Superliga: Leeds (partida retransmesa per BeInSport). Aniràn a Londres (dimenge 9 de setembre) abans de traversar la Mar Granda per jogar a Toronto (dissabte 15 de setembre) e de finir a Salford (dimenge 30 de setembre).
Los primièrs 3 jogaràn en Superliga l’an que ven en companhiá del venceire del barratge entre lo 4n e lo 5n.
Los U-19 en Serbia per la Copa d’Euròpa
Los Blaus U-19 an dobèrt la participacion a la Copa d’Euròpa, que se debana en Serbia, amb una larga victòria 70-0 fàcia a Itàlia. Rescontraràn Escòcia, qu’a eliminat Irlanda, en mièja finala aqueste dimècres. Los Blaus espèran de trapar fàcia a eles los angleses dissabte en finala.
NRL: los Lapinons en cap de fila
Aprèp l’afrontament d’aqueste divendres a Sydney, los Lapinons prenon la primièra plaça del classament aprèp la victòria 30-20, bastida dins lo segond temps fàcia a la Tempèsta de Melbourne. Doas bravas afichas al programa de la jornada venenta: a Sydney, lo rescontre Lapinons-Polets e, en Queensland, los Vaquièrs contra Brisbane. Aquò promet!
Alan Roch
Òm se brèça de la gloriosa incertesa dels espòrts, mas caliá èsser plan somiaire per imaginar lo scenari d’aquesta mièja finala de Cup a Bolton entre los Dragons e la terror de la Superliga, Saint Helens. Los catalans dintrèron determinats. Drinkwater passèt una penalitat (8a) abans de mandar Tierney darrèr la linha e de transformar (19a). Los Dragons, solidaris e demultiplicats en defensa, resistissián a la pression anglesa, e Ben Garcia puntava un ensag a la mièja ora de jòc. Gigòt ajustava un tombat. Un anglés preniá un carton jaune e los catalans marcavan: la penalitat, un ensag de Gigòt aprèp una traucada de Jullien e tornarmai ensag de Ben Garcia. E òc, lo planchòt indicava 27-0 pels Sang e Aur a la pausa.
St Helens tornava motivat sus la pelena, mas Drinkwater rajustava una penalitat (44a). Los angleses escartavan la palma e marcavan dos còps per tornar a 29-10; mas a l’ora de jòc, lo pilar Sam Moa depausava la palma al pè dels pals de Saint Helens. La messa èra dita: un darrièr ensag anglés podiá pas capvirar lo sòrt de la partida e la victòria bèla (35-16) dels catalans que los mena a tornar trapar Wembley onze ans aprèp la finala perduda contra… Saint Helens! Èra fèsta a l’aeropòrt de Perpinhan cap a mièjanuèit: los sostens preparan eles tanben lo viatge a Wembley lo dissabte 25 d’agost!
Cup-2: los Lops an las dents longas
La segonda mièja finala opausava los Lops de Warrington e los Rinocèros de Leeds. Al cap de vint minutas, Warrington prenguèt l’avantatge per menar 26-6 a la pausa e contunhar sul meteis ritme dins lo segond temps: victòria 48-12.
Leeds traparà un pauc de consolacion amb la victòria de son equipa feminina en Cup (20-14, contra Castleford).
Plaça al Super-8
La segonda fasa del campionat de Superliga se debana amb las esquipas que gardan los punts recampats dempuèi la debuta de sason. Atal, se vei pas tròp cossí los qualificats per las mièjas finalas serián pas los primièrs 4 actuals:
1) St Helens, 42 punts; 2) Wigan, 32 punts; 3) Warrington, 31 punts; 4) Castleford, 29 punts, an fait lo trauc amb 5) Huddersfield, 23 punts; 6) Hull FC, 22 punts; 7) Wakefield, 21 punts (+ 75); 8) los Dragons, 21 punts (- 41)
St Helens es ja en mièja finala
De bons resultats permetràn als catalans de ganhar qualques plaças e qualque moneda de mai en provenença de la Superliga. Los catalans se desplaçaràn quatre còps: Warrington (aqueste divendres 10 d’agost; un avantgost de finala de la Cup!), Castleford (dissabte 1r de setembre), Wakefield (divendres 14 de setembre) e Hull FC (dissabte 22 de setembre). Reçaupràn tres còps a Brutus: Wigan (lo dissabte 18 d’agost), St Helens (dissabte 8 de setembre) e Huddersfield (lo dissabte 29 de setembre).
Los trabalhs d’Ercules per Tolosa
En acabant tresens de la primièra fasa del Championship, los tolosans an tres recepcions a assegurar a Blanhac e quatre desplaçaments per considerar la montada en Superliga. Reçaupràn Halifax (dissabte 18 d’agost), Widnes (dissabte 1r de setembre) e Hull KR (dissabte 22 de setembre). Començaràn la competicion aqueste dissabte 11 d’agost cò dels campions de 2017 de la Superliga: Leeds (partida retransmesa per BeInSport). Aniràn a Londres (dimenge 9 de setembre) abans de traversar la Mar Granda per jogar a Toronto (dissabte 15 de setembre) e de finir a Salford (dimenge 30 de setembre).
Los primièrs 3 jogaràn en Superliga l’an que ven en companhiá del venceire del barratge entre lo 4n e lo 5n.
Los U-19 en Serbia per la Copa d’Euròpa
Los Blaus U-19 an dobèrt la participacion a la Copa d’Euròpa, que se debana en Serbia, amb una larga victòria 70-0 fàcia a Itàlia. Rescontraràn Escòcia, qu’a eliminat Irlanda, en mièja finala aqueste dimècres. Los Blaus espèran de trapar fàcia a eles los angleses dissabte en finala.
NRL: los Lapinons en cap de fila
Aprèp l’afrontament d’aqueste divendres a Sydney, los Lapinons prenon la primièra plaça del classament aprèp la victòria 30-20, bastida dins lo segond temps fàcia a la Tempèsta de Melbourne. Doas bravas afichas al programa de la jornada venenta: a Sydney, lo rescontre Lapinons-Polets e, en Queensland, los Vaquièrs contra Brisbane. Aquò promet!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
No’n fotèm.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari