Bandièra01 1180x150: Comuna de Tolosa

Actualitats

L’Arabia Saudita a romput sas relacions amb Canadà per sa defensa dels dreches umans

La ministra dels afars exteriors canadenca a condemnat la detencion de doas activistas dels dreches umans e lo govèrn saudita o a pres coma un atac

Samar Badawi l’an condemnada a 10 ans de preson, a 300 000 èuros de multa e a 1000 foetadas per aver creat una pagina web de debat social e politic
Samar Badawi l’an condemnada a 10 ans de preson, a 300 000 èuros de multa e a 1000 foetadas per aver creat una pagina web de debat social e politic
L’Arabia Saudita a romput sas relacions diplomaticas amb Canadà a causa d’una fiulada sus Twitter de la ministra dels afars exteriors canadenca que condemnava la detencion de doas activistas dels dreches umans. “Fòrça alarmada d’aprene l’empresonament de Samar Badawi, la sòrre de Raif Badawi, en Arabia Saudita. Canadà sosten la familha Badawi dins aquesta dificila espròva, e contunham de fòrtament apelar a la liberacion de Raif e Samar Badawi”, çò ditz lo messatge de la ministra.
 
Una de las doas detengudas, Samar Badawi, es sòrre del famós blogaire Raif Badawi, que lo Parlament Europèu li autregèt lo prèmi Sakharov l’an 2015. Aquel jove es encarcerat dempuèi 2012 jos l’acusacion d’afronts a l’islam, e en 2015 foguèt foetat en public. L’an condemnada a 10 ans de preson, a 300 000 èuros de multa e a 1000 foetadas per aver creat una pagina web de debat social e politic.
 
 
Rompedura de totas las relacions e ligams
 
Lo govèrn saudita a interpretat aquel messatge coma una interferéncia dins sos afars intèrnes e quitament coma un atac dirècte. Atal a aviat una ofensiva diplomatica e comerciala contra Canadà. “Acceptarem pas de leiçons, que critiquen nòstras institucions judiciàrias, nòstres jutges e nòstre sistèma legal. Es pas acceptable”, çò declarèt lo ministre dels afars exteriors saudita, Adel Al Jubeir.
 
E es atal que lo 4 d’agost passat lo govèrn saudita retirèt son ambaissador d’Ottawa e fòrabandiguèt de Riyad l’ambaissador canadenc. Mas la responsa de la ministra foguèt neta e clara: “Canadà defendrà totjorn los Dreches Umans, tant en Canadà coma dins la rèsta del Mond”.
 
Fàcia a aquela responsa, l’Arabia Saudita a decidit anar mai luènh en rompent los ligams comercials, aerians, medicals e educatius amb Canadà. En mai d’aquò, la Banca Centrala de l’Arabia Saudita a ordenat la venda de totes los actius canadencs, mandarà a d’autres païses los ciutadans sauditas tractats dins d’espitals canadencs, e cancelarà las borsas dels estudiants sauditas en Canadà; enfin, l’aerolinha estatala saudita a anullat totes los vòls devèrs Toronto.
 
Lo primièr ministre de Canadà, Justin Trudeau, a ensajat d’apasimar la tension sens quitar de sosténer sa ministra. “Mantenèm nòstras relacions diplomaticas amb lo reialme de l’Arabia Saudita”, çò diguèt. “Respectam son importància dins lo Mond e reconeissèm qu’a progressat en questions importantas, mas a l’encòp contunharem de parlar amb clartat e fermetat suls Dreches Umans en cò nòstre a l’estrange a cada còp que veirem que cal”, çò precisèt.

 
 






abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Mas qui protegeis l'Arabia per poder far tot lo que li dona la gana. Los eeuu qu' es passa los Drets Humans pel cuol.,coma se eles fossin l'ONU, vetan las condemnas a l'Arabia e a qualsevol acte facistoide que fan eles o l'Estat d'Israel, l'Otan, etc.

  • 0
  • 0
Pas Sup
3.

#2
Als quatres armèlas qu’an polça debàs virat.

Arabia Saudita e Canadà n’an res a far de vosaus, de que representatz ? ren de ren, de vòstra opinion s’en foton ! Podetz brandir la monèca « drech de l’òme » cadun sap ben qu’arabia Saudita s’en trufa desempuèi platotjorn e es pas alentorn d’aquel concept qu’es estat fargat aquel país, e que lo canadà n’en parla quora aquò li convent, mas que n’auria tanben plan a n’en far ençò seu.

Per contra avetz d’occitans a recampar, un país a far coneisser, a fargar, i far naisser un sentiment occitan, i tornar far parlar una lenga doblidada per la majoritat de sos estatjants qu’an qualques rasigas occitanas.
Cresetz qu’es sus tres articles cada jorn de nos parlar los tres quarts del temps dels autres qu’anatz far naisser una suspauzada occitània ? un sentiment d’occitanitat, de partatjar una istòria que se reverta, una cultura comuna ?

E per acabar auèi 15 d’agost es l’aniversari de la batesta de « roncevaux » en 778 : una istòria banala montada en un polit comte, tescut de messorgas, qu’avem totis malastrudament dins lo cap.
Cap d’ article per desquilhar aquela vièlha monèca de « Roland » vengut lo rodilh de « charlemagne » èra quitament pas un nebot seu, tot i es Los eròs, los traidors, la sang que raja, las espasas, un scenariò a la Hollywood que vos tends los braces …. E passats a costat…. Es una pietat !

  • 1
  • 3
Pas Sup
2.

#1
Ah segur val mai parlar de L’Arabia Saudita e del Canadà que non pas d'Occitània'

  • 1
  • 6
Mèfi ! 31
1.

Cànada non l'i vend pas d'armas...

  • 9
  • 0

Escriu un comentari sus aqueste article