Actualitats
Un nòu biais de profechar de l’energia solara
Aquò poiriá èsser benlèu una vertadièra revolucion dins lo camp de la produccion d’energias renovelablas perque es un procès semblable a l’utilizat per las plantas dins la fotosintèsi
La recèrca per produire d’energia amb lo Solelh coma font a fach un bèl pas endavant. Una còla scientifica a pogut, fin finala, utilizar lo meteis sistèma emplegat dins la fotosintèsi vegetala e crear d’idrogèn e d’oxigèn a partir de l’aiga amb d’energia solara. La resulta venguèt après o demostrar dins un laboratòri a travèrs de la creacion de fotosintèsi semiartificiala.
Totes sabon que la fotosintèsi es aquel procès utilizat per las plantas per crear d’energia de la lutz solara. Es produch d’oxigèn quand la molecula d’aiga es devesida. Es una sorsa d’energia fondamentala per la planeta pr’amor de la creacion d’oxigèn. A mai, tanben se produtz d’idrogèn.
Tot aquò arriba après qu’una còla de cercaires de l’Universitat de Cambridge utilizèt un procès nomenat “fotosintèsi semiartificala” per produire d’energia amb de lutz solara coma font. Aital poguèron convertir d’aiga en idrogèn e oxigèn en tot utilizar una mescla de tecnologia biologica e umana.
Aquò poiriá èsser benlèu una vertadièra revolucion dins lo camp de la produccion d’energias renovelablas perque la soleta font utilizada foguèt la lutz solara e lo procès semblable a l’utilizat per las plantas dins la fotosintèsi. De mai, amb aquel metòde los cercaires poguèron produire mai d’energia encara que la producha durant la fotosintèsi de las plantas.
Un procès melhorat
“La fotosintèsi es pas eficaça pr’amor qu’es estada desvolopada sonque per ajudar las plantas a subreviure, pas res de mai –çò diguèt Katarzyna Sokol, directora de la còla–. Atal, solament es producha entre l’1 e lo 2% de l’energia totala que se pòt produire, la que n’an de besonh las plantas, mas es solament una pichona part de l’energia que se pòt aver”.
La recèrca d’aquela còla de Cambridge aviá per tòca d’anar delà las limitacions de la fotosintèsi artificiala en tot utilizar d’enzims dins las reaccions quimicas desiradas. E o poguèron far en tot reactivar lo procès de fotosintèsi que i aviá dins cèrtas algas que lo fasián pas pus servir dempuèi de milièrs d’annadas.
“L’idrogenasa es un enzim que contenon aquelas algas e que pòt reduire de protons en idrogèn. Lo procès foguèt desactivat pendent l’evolucion perque èra pas necessari a la subrevivença. Mas avèm pogut tornar activar lo procès e obténer d’energia e d’oxigèn a partir d’aiga”, çò apondèt Sokol. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Totes sabon que la fotosintèsi es aquel procès utilizat per las plantas per crear d’energia de la lutz solara. Es produch d’oxigèn quand la molecula d’aiga es devesida. Es una sorsa d’energia fondamentala per la planeta pr’amor de la creacion d’oxigèn. A mai, tanben se produtz d’idrogèn.
Tot aquò arriba après qu’una còla de cercaires de l’Universitat de Cambridge utilizèt un procès nomenat “fotosintèsi semiartificala” per produire d’energia amb de lutz solara coma font. Aital poguèron convertir d’aiga en idrogèn e oxigèn en tot utilizar una mescla de tecnologia biologica e umana.
Aquò poiriá èsser benlèu una vertadièra revolucion dins lo camp de la produccion d’energias renovelablas perque la soleta font utilizada foguèt la lutz solara e lo procès semblable a l’utilizat per las plantas dins la fotosintèsi. De mai, amb aquel metòde los cercaires poguèron produire mai d’energia encara que la producha durant la fotosintèsi de las plantas.
Un procès melhorat
“La fotosintèsi es pas eficaça pr’amor qu’es estada desvolopada sonque per ajudar las plantas a subreviure, pas res de mai –çò diguèt Katarzyna Sokol, directora de la còla–. Atal, solament es producha entre l’1 e lo 2% de l’energia totala que se pòt produire, la que n’an de besonh las plantas, mas es solament una pichona part de l’energia que se pòt aver”.
La recèrca d’aquela còla de Cambridge aviá per tòca d’anar delà las limitacions de la fotosintèsi artificiala en tot utilizar d’enzims dins las reaccions quimicas desiradas. E o poguèron far en tot reactivar lo procès de fotosintèsi que i aviá dins cèrtas algas que lo fasián pas pus servir dempuèi de milièrs d’annadas.
“L’idrogenasa es un enzim que contenon aquelas algas e que pòt reduire de protons en idrogèn. Lo procès foguèt desactivat pendent l’evolucion perque èra pas necessari a la subrevivença. Mas avèm pogut tornar activar lo procès e obténer d’energia e d’oxigèn a partir d’aiga”, çò apondèt Sokol. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Siaguèt un temps que nos vantàvan los biocarburants avant de se mainar que riscàvan atal d'afamar un pauc mai l'umanitat.
Un progrès, aquò ? Me permetrètz qualques resèrvas de principi…
Se produtz d’oxigèn quand la molecula d’aiga es devesida mercés als arbres, a sas cellulas amb cloroplastas. Es per aiçò que disèm de las selvas tropicalas que son los "palmons de la planèta".
Mas s'ara podèm produïre d'oxigèn sense las selvas tropicala, fèsta generala : lo capitalisme mondial, conquerridor e vencedor de tot, va poder acabar de sagatar e d'arroïnar la biosfèra e d'erradicar totas las selvas que non rapòrtan res, vist que non aurèm mai besonh d'elas per continuar de respirar d'aire pudent mas industriós e productiu dins "lo melhor del monds" (Cf. Aldous Huxley) !!!
Podèm d'ara enlà nos tornar ficar lo cap jos l'ala e nos liurar sense soscar mai de de jòcs sexuals destacats de tot esmai, egocentrics fins fins al folitge final !
E ben ieu, non i vesi bona novèla…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari