Bandièra01 1180x150: Comuna de Tolosa

Actualitats

Cossí Birmania a punit dos reportèrs per aver revelada una atrocitat

Los jornalistas de Reuters encarcerats dins aquel país per aver destapat lo massacre dels Royinghas foguèron de victimas d’una atrapa de la polícia

Diluns passat, un jutge de Birmania condemnèt dos jornalistas de Reuters,  Wa Lone e Kyaw Soe Oo, a sèt ans de preson per aver “violat la lei dels secrets oficials”. Sus l'imatge Wa Lone en sortent lo palai de la justícia
Diluns passat, un jutge de Birmania condemnèt dos jornalistas de Reuters, Wa Lone e Kyaw Soe Oo, a sèt ans de preson per aver “violat la lei dels secrets oficials”. Sus l'imatge Wa Lone en sortent lo palai de la justícia | ReutersAnn Wang
Diluns passat, un jutge de Birmania condemnèt dos jornalistas de Reuters a sèt ans de preson per aver “violat la lei dels secrets oficials”. Ara, un reportatge fach per John Chalmers, responsable de Reuters en Asia de Sud-Èst, desvela que los jornalistas encarcerats foguèron de victimas d’una leca de la polícia birmana.
 
Lo reportatge es entitolat “Cossí Birmania a punit dos reportèrs per aver revelada una atrocitat” e mòstra divèrsas contradiccions dins la detencion e lo jutjament dels dos jornalistas: Wa Lone (32 ans) e Kyaw Soe Oo (28 ans).
 
Los jornalistas èran a far una enquèsta sul masèl de dètz personas de la minoritat rohingya a Inn Dinn lo 2 de setembre de 2017. Los arrestèron lo 12 de decembre. Après divèrsas compareissenças davant la justícia mentre qu’èran en preson preventiva, diluns passat recebèron lor senténcia ferma de sèt ans de preson. Lo delicte es d’aver fornits “de documents sus de secrets oficials a l’enemic”. Lo jutge a decidida aquela pena sus la basa d’una lei de 1923 quand lo país, alavetz nomenat Burma, èra una colonia britanica. Segon lo reportatge fach per John Chalmers, los documents en question los lor auriá liurats un caporal de la polícia a l’ora de los arrestar.
 
Los dos jornalistas encarcerats avián desvelada la mòrt de 10 personas rohingyas a las mans dels soldats, en presentant de testimoniatges tan musulmans coma bodistas. Lor reportatge s’entitolava “Cossí las fòrças de Birmania cremèron, pilhèron e tuèron un vilatge acantonat”. Los mòrts èran uèch adultes d’entre 25 e 45 ans e dos estudiants de 17 e 18 ans. Demest los tuats i aviá cinc pescadors, dos comerçants e un professor de religion. L’armada cremèt lo vilatge, pilhèt los ostals e arrestèt las dètz victimas arbitràriament entre un centenat de personas que fugián lo masèl e cercavan un refugi sus la platja.




abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

Dins los estats occidentals, fa pas bon tanpauc senhalar unas informacions. Mas generalament, per far calar los que ne sabon tròp o qu'an plan tròp parlat, non van quérrer lo jutge. Lo plomb basta. Dos o tres plombs pel cap e l'afar es reglat — e lo secret d'estat plan servat. Aicí, los jornalistas an ja difusida l'informacion, un pauc coma Julian Assange, per exemple.

La nocion de "libertat de la prensa (e dels escrivans)" es defenduda pel P.E.N. internacional. Sempre la bota en abans. Los escrivans occitans qu'aderisson al P.E.N. Occitan o fan bèl primièr per defendre la visibilitat de l'occitan, sa preséncia internacionala. I sèm pro plan reconeguts, emai dels escrivans franceses quitament — los de l'associacion nos son plan amistoses.

Mas l'objectiu primièr d'aquela associacion es de militar e de defendre la libertat d'expression que manca, aicí crusèlament, a Wa Lone (32 ans) e Kyaw Soe Oo (28 ans). E la libertat que lor manca nos pòt mancar tanben d'un biais plan diferent. Basta que, per informar, venga necessària la moneda, ja que de moneda, la Setmana e lo Jornalet non n'an pas, o pas pro… E tanpaln las revistas occitanas ÒC e Reclams an de dificultats que revèrtan las de la Setmana. La "fòrça" del jornalet es sa gratuïtat. Una fòrça que pòrtan subre las espatlas totes los que i contribuïsson sense cap retribucion. Òr, jornalista es un mestièr, a temps complet. E quand l'actualitat ven cauda, coma lo 1er d'octòbre passat en Catalonha, o en Birrmania a l'ora d'ara, ven un mestièr riscat.

  • 4
  • 0

Escriu un comentari sus aqueste article