La Corèa del Nòrd festegèt dimenge passat lo 70n anniversari de la fondacion del país. Demest los eveniments se debanèt un desfilat militar sens missils intercontinentals e amb un discors sens escomesas a d’autres païses. Dins la tribuna principala d’espectators del desfilat i aviá l’actor francés Gérard Depardieu. Entre d’autres engatjaments, de còps que i a contradictòris, coma las candidaturas de Nicolas Sarkozy a la presidéncia francesa, l’actor a sostengut lo Partit Comunista Francés e lo regim castrista.
 
Depardieu adoptèt lo ciutadanatge rus lo 3 de genièr de 2013 e renoncièt al passapòrt francés per estalviar d’impòstes e coma mesura de protèsta contra las mesuras fiscalas qu’anoncièt François Hollande, que voliá aumentar lo taus d’imposicion dels revenguts pus nauts fins al 75%. Depardieu recebèt lo passapòrt de las mans del quite president Vladimir Putin.

 

Pour le 70e anniversaire de la Corée du Nord, Gérard Depardieu était dans les gradins  pic.twitter.com/fEanBaCJ0m

— CNEWS (@CNEWS) 9 de setembre de 2018