Actualitats
Libertat demanda la demission dels uèch membres de l’Ofici Public de la Lenga Occitana
Lo movement d'esquèrra revolucionària occitana exigís que l'ÒPLO torne sus sa decision e repare lo prejudici provocat en fasent renàisser las publicacions desaparegudas
L’entrevista que la faguèt Ràdio País a Patric Roux, vicepresident de l’Ofici Public de la Lenga Occitana (ÒPLO), a la fin d’agost, es totjorn al centre de la polemica. Libertat a reagit amb un comunicat fòrça critic amb l’ÒPLO e amb la desaparicion de Vistedit e de sas publicacions La Setmana, Papagai e Plumalhon. Dins aquel sens, afirman que l’ÒPLO es una “mascarada” e l’acusan de “metre en dangèr las avançadas tiradas peus militants occitanistas pendent annadas”.
Lo movement de l’esquerra revolucionària d’Occitània planh la desaparicion de las publicacions en lenga nòstra. Critican amb duretat que l’Ofici anoncièsse un apèl a projèctes per tornar lançar un jornal en occitan. “Libertat que denóncia ua ensajada de presa de contraròtle e lhèu de destruccion de la premsa occitana per ua institucion francesa”, çò ditz lo comunicat, “un enter-se de politicians professionaus jacobins tà decidir deu noste aviéner”.
Ansin, Libertat afirma que “la barrada de tres jornaus e lo licenciament de duas personas [...] e la futura creacion d’un jornau prò-ÒPLO [que son] signe de projècte de badalhonament de la premsa tà servir interès partisans”.
Lo comunicat critica tanben la presidenta de l’institucion, Charline Claveau-Abbadie. D’efièch, afirma qu’es “incapabla de har seguir un mot en occitan” e que “representa lo partit socialista, jacobin e borgés, qui es estat tostemps l’adversari de la diversitat lingüistica”.
Manca de reaccion occitanista
Lo comunicat de Libertat repròcha tanben a l’occitanisme d’aver aguda una reaccion modèsta o nulla. “Pas de peticion, pas de manifestacion, pas de taula desquilhada... Non, just un marmús leugèr de maucontentèr”, çò ditz lo document de Libertat “qu’encoratja totòm estacat a l’aviéner deu pòble occitan e de la lenga, a politizar las soas preocupacions e a susmautà’s contra las atacas shens estanc deu poder francés contra çò qui èm”.
Que l’ÒPLO torne sus sa decision
Enfin, lo comunicat de Libertat fa una crida a tot l’occitanisme per revendicar e reclamar que l’ÒPLO torne sus sa decision sus las ajudas a Vistedit e repare lo prejudici provocat en fasent renàisser las publicacions desaparegudas, qu’abandone sa decision de l’apèl a projèctes d’un jornal novèl, e que los uèch membres de l’ÒPLO demissionen.
Lo movement de l’esquerra revolucionària d’Occitània planh la desaparicion de las publicacions en lenga nòstra. Critican amb duretat que l’Ofici anoncièsse un apèl a projèctes per tornar lançar un jornal en occitan. “Libertat que denóncia ua ensajada de presa de contraròtle e lhèu de destruccion de la premsa occitana per ua institucion francesa”, çò ditz lo comunicat, “un enter-se de politicians professionaus jacobins tà decidir deu noste aviéner”.
Ansin, Libertat afirma que “la barrada de tres jornaus e lo licenciament de duas personas [...] e la futura creacion d’un jornau prò-ÒPLO [que son] signe de projècte de badalhonament de la premsa tà servir interès partisans”.
Lo comunicat critica tanben la presidenta de l’institucion, Charline Claveau-Abbadie. D’efièch, afirma qu’es “incapabla de har seguir un mot en occitan” e que “representa lo partit socialista, jacobin e borgés, qui es estat tostemps l’adversari de la diversitat lingüistica”.
Manca de reaccion occitanista
Lo comunicat de Libertat repròcha tanben a l’occitanisme d’aver aguda una reaccion modèsta o nulla. “Pas de peticion, pas de manifestacion, pas de taula desquilhada... Non, just un marmús leugèr de maucontentèr”, çò ditz lo document de Libertat “qu’encoratja totòm estacat a l’aviéner deu pòble occitan e de la lenga, a politizar las soas preocupacions e a susmautà’s contra las atacas shens estanc deu poder francés contra çò qui èm”.
Que l’ÒPLO torne sus sa decision
Enfin, lo comunicat de Libertat fa una crida a tot l’occitanisme per revendicar e reclamar que l’ÒPLO torne sus sa decision sus las ajudas a Vistedit e repare lo prejudici provocat en fasent renàisser las publicacions desaparegudas, qu’abandone sa decision de l’apèl a projèctes d’un jornal novèl, e que los uèch membres de l’ÒPLO demissionen.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Compreni pas coma poden los tamben occitanistas, negar ajudas a una publicacion culturala que tenia pas fins lucratius, que funcionava e feian una bona feina, de cop en sec,e qu' ha daissat un buit cultural enorme. La Setmana es natural qu' haguesse dificultats econòmicas perquè tota la premsa ne ten. Jo que pagava l'abonament a finals de desembre m'he quedat sense la meitat de numeros d'enguan que ja havia pagats.
#12
Ne hètz pas la leçon en tot har la leçon totun... Mes qu'avetz la chança de parlar e d'escríver un gascon de tria.
Ne defeni pas la Martine Lignières-Cassou. Qu'ei suslinhat lo son manca d'interès per la lenga e la cultura nosta. Que comparavi dab la Charline Claveau Abbadie en díser que la presidenta de l'OPLO èra piri que l'anciana maira de Pau per'mor ne hasè quitament pas semblant de s'interessar a l'occitan...
#11
Jo tanpauc, non hèi pas la leçon, qui non eths qui la hèn! Que hèi pecas com los autes, qu'ac sèi. Totun, har un comunicat entà exigir shens estar arrés ni har arren tanpauc, que m'espanta drin! E que soi desolat, mes l'excusi de l'esfòrç, que n'i a pro! L'esfòrç qu'ei justament d'escríver plan, pas de s'acontentar d'escríver en gascon. On ei la noste credibilitat? Un comunicat oficiau, que'u pòden har corregir o tornar léger, non? Mes probable que se'n foten beròi de la qualitat de la lenga...De tota mòda a cada còp qu'ei parièr, la bona intencion ne's pòt pas criticar...la pròva : Ua politicaira com Lignières- Cassou que ditz ua frasa en gascon e qu'èm contents, lavetz... Ne s'ameritam pas mei.
#9
Ne soi pas un fan de Libertat (sustot despuish lo sostien de Beri-Debat au nacionalista franchimand Mélenchon).
Pècas de lenga que'n hèm tot, jo purmèr, mes au mensh los de Libertat, com nosautes aciu, que hèn tots l'esfòrç de s'exprimir en lenga nosta. E ne'm senteishi pas nada autoritat linguistica tà har la leçon suu nivèu de lenga deus uns o deus autes.
Per contre, botar a la presidencia d'un Ofici Public de la Lenga Occitana ua parla-ponchut qui n'ei pas fotuda de sortir uns quans mots en Òc quan la quite Martine Lignières-Cassou, qui n'avè pas un gran interès per la lenga, arrivava a díser ua frasa en biarnés au parat deu Carnaval o d'Hestiv'òc... aquò ne deisha pas de m'espantar!!
Hart de pecas ne cau pas exagerar totun. A còps drin estròç lhèu mes per neo-locutors n'ei pas tan mau.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari