Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBearnSeuvestre

Maseròlas: batèsta entà obtiéner un pòst mei per la classa bilingua francés-occitan

Augan que son 34 mainatges apielats dens ua sola classa, dab 4 nivèus diferents, de la petita seccion dinc au CP

Los parents d’escolans, sostienuts per l’associacion Òc-bi Aquitània, que lutan entà obtiéner un pòst mei per la classa bilingua francés-occitan deu vilatge de Maseròlas (Seuvestre).
 
En efèit, augan que son 34 mainatges apielats dens ua sola classa, dab 4 nivèus diferents, de la petita seccion dinc au CP. Ua situacion de mau acceptar, cap a la quau los parents e multiplican las accions. Après la creacion d’ua associacion, Òc-bi Dròlles, entà facilitar la comunicacion dab l’Educacion Nacionau, qu’an tanben botat en linha un vidèo hèra originau entà muishar lo malaisèr cap a la gestion de 34 punts sonòrs diferents, de bon descobrir sus Internet. Mes mei que tot, qu’arcastan a l’Educacion Nacionau ua situacion qui’s seré poduda anticipar tanlèu la fin d’annada passada, au moment quan estón coneguts los efectius, e hèita la demanda de pòst.
 
Ua question d’organizacion, de volontat politica mes tanben de mejans finançèrs. E solide, dab l’anóncia recenta de la supression de 1800 pòsts dens l’Educacion Nacionau, quan serà tocat lo dusau grad sonque, que va caler estar mei que valents entà melhorar las causas.
 
Clamenç Flouroux, encargat de mission a Òc-bi Aquitània, qu’èra au micro de Ràdio País entà explicar la situacion a Maseròlas, mes tanben en tota l’acadèmia, au primari com au dusau grad.
 
 
 
 
Ràdio País

 
 
Aqueste article es possible gràcias a un acòrdi de cooperacion entre Jornalet e Ràdio País.




 


 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Marcèth Hastingues
2.

Qu'èi plan escotat lo Clamenç Flouroux. Vertat los ensenhaires que son hèra maumiats e que cau aver la fe entà contunhar atau. Alavetz lo hons deu devís qu'ei deus bons mès pas sonque aquò. Qu'ei de notar tots dus que parlan un gascon hòrt corrècte, dab un accènt e ua prosodia agradius. E tanben la lor lenga qu'ei hèra logica, lexic, conjugasons, prononciar. Que saben har los H e los R com cau. Qu'ac cau díser pr'amor, sovèntas còps, lo monde qui son en carga de l'institucionau e qui entenem a parlar qu'an un maishant nivèu de lenga e n'ei pas bon tà la nosta credibilitat. Que'us feliciti a tots dus. Jo ne soi pas briga occitanista mès qu'arrespecti los qui parlan plan e qui amuishan atau l'amor de la nosta lenga.

  • 8
  • 0
Pitaluga
1.

Tè! creseguèri que los CP e los CE1 èran de 12 escolans e pas mai. Aquò nos fa 3 regents al mens per Maseròlas. òu, Blanquer, somias!

  • 4
  • 0

Escriu un comentari sus aqueste article