Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBearnPalés

Serada en favor dels refugiats uèi a Vilhèra

L’eveniment comprendrà de cortmetratges en occitan, un debat amb los actors qu’ajudan als refugiats, un balèti e de concèrts

“Planvenguts a noste”. Es atal, en occitan bearnés, que lo collectiu Des hommes avant tout (Òmes abans tot) dona la benvenguda als migrants. Uèi, aquel collectiu organiza una serada en favor dels refugiats a Vilhèra (Palés). L’eveniment comprendrà de cortmetratges en occitan seguits d’un debat amb los realizaires e los actors quotidians de l'ajuda als demandaires d'asil que son, mai que mai, de sodaneses e d’afgans. Tanben i aurà un balèti gascon e de concèrts.
 
La serada començarà a 19h amb la projeccion dels cortmetratges Shens Papèrs (2016) e Triste ei lo cèu (2018). Puèi se tendrà lo debat. De 20h enlà se farà lo balèti tradicional occitan amb Menestrèrs Gascons, puèi lo concèrt del duo Noubalòtcha e enfin la banda de reggae Tsijahmba.
 
L’intrada es liura. Sus plaça i aurà de manjar e de beure.

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Loíson Ispora
1.

Bèth exemple de socializacion de la lenga au servici d'ua causa comuna. E que da lo parat de brembar l'interès de la municipalitat de Vilhèra de cap a l'occitan.

  • 9
  • 0

Escriu un comentari sus aqueste article