Divendres, 12 d'octòbre de 2018, 03h00 Sciéncia
Aquò semblar un títol de sciéncia-ficcion mas o es pas. Es estat publicat dins las principalas revistas scientificas de la planeta. Pr’amor que la sciéncia a descobèrt cossí arrestar d’envielhir. Lo produch es natural e s’apèla fisetina e se tròba dins la frucha e las ortalissas. Amb aquò, çò dison, l’envielhiment de las cellulas es arrestat.
La tròba aguèt luòc quand una còla de cercaires de l’Universitat de Medecina de Minnesota descobriguèt qu’èra possible d’arrestar l’envielhiment de las cellulas e aital d’alongar la vida e de melhorar la santat e mai lo tractament aguèsse començat a una edat tardiva. Un assag es ja estat fach sus de mirguetas e ara o cal provar sus d’umans pr’amor que foguèt un vertadièr succès.
Al començament d’ongan, los quites cercaires Paul D. Robbins e Laura J. Niedernhofer, amb James L. Kirkland e Tamara Tchkonia, de la clinica estatsunidenca de Mayo, mostrèron ja scientificament qu’èra possible d’empachar qu’envielhiguèsson las cellulas umanas e aital d’alongar la vida e d’esperlongar la santat de las personas. Ara cal far, totun, mai d’assages amb de fisetina, un produch natural que contenon la frucha e d’ortalissas, per o poder fin finala confirmar.
Cossí arrestar l’envielhiment
Pendent la presentacion de las resultas de la tròba los cercaires foguèron interrogats: perqué aquò s’èra pas fach abans se la tròba es tan simpla? Los scientifics saupèron pas qué dire. Lo fach es que, amb l’edat, los umans an de mai en mai de cellulas damatjadas. E a una epòca de la nòstra vida començan d’envielhir d’esperelas.
Es un procès conegut coma senescéncia. Aquò amòda lo sistèma immunitari a atacar pas pus las cellulas damatjadas. Una persona jove las pòt plan atacar mas de gents amb una cèrta edat o pòdon pas pus. E aital n’i a de mai en mai, e la persona envielhís de mai en mai.
Los cercaires descobriguèron que, en tot donar un produch natural nomenat fisetina a las cellulas damatjadas, s’arrestava aquel procés. O faguèron en tot balhar aquel produch a de mirgas fòrça vielhas. Que visquèron puèi mai longtemps. La revista EBioMedicine publiquèt que “lo produch es un senoterapeutic qu’esperlonga la vida e la santat”.
“Las resultas permeton d’afirmar qu’amb aquel produch se pòt alongar lo periòde de santat e doncas de vida del mond, quitament quand son ja vielhs —çò diguèt Robbins—. Totun, cal cercar encara mai. Sabèm pas encara quina es la dosi corrècta que cal donar”.
Malgrat que los cercaires diguèsson que fins ara i aviá agut de limitacions tecnicas per trobar aquel produch contengut dins la frucha e d’ortalissas, cossí es possible mentre que lo mond a totjorn dich que manjar de fruches e d’ortalissas es çò de melhor per la santat umana? Perqué avián pas trobat los efièches de la fisetina fins a uèi? (Legissètz la seguida)
Aqueste article es publicat dins
Sapiéncia, la revista occitana de divulgacion scientifica, amb la quala
Jornalet a un acòrdi de cooperacion.
Podètz legir l'article entièr aicí.
Comentaris
14 d'octòbre 13.55h
#2 I a un biais encara melhor : lo de nàisser pas…
Valoriza aqueste comentari:
3
1
13 d'octòbre 11.52h
Viure mai de temps nos balha l'espèr de durar pro per veire l'esfondrament del mond jol pes de la finança, de la tecnologia e de la pollucion consequenta. Quand i aurà pas pus de vida umana sus tèrra (sembla que los insèctes an mai de possibilitat que nosautes de poder subreviure), serem plan contents de poder viure 300 ans coma ditz aquel piòt de Ferry.
Valoriza aqueste comentari:
5
1
13 d'octòbre 09.45h
Remplaçament
La vida, le monde, qu'es un remplaçament permanent, ambe necessitat de daissar e transmettre.
Rens s'empòrta pas...daissa la plaça neta e transmete ton saber als seguents...
Patoés: l'empòrtes pas sens le passar, t'appartèn pas!
Valoriza aqueste comentari:
4
0
12 d'octòbre 22.41h
Los vegetarians manjam molta fruita e hortalisses. Los vagans en manjan encara mai. Se cal concentrar en manjar-ne mai ? Veirem. Sempre ai cregut que non hi ha res melhor qu' una bona amanida per començar lo dinar, d'ensiam (lletuga), endivi, creixens, un bon trempó de tomatiga, pebre verd, seba, olives i trempat amb oli.
Valoriza aqueste comentari:
2
0
12 d'octòbre 14.18h
#4 podètz precisar vòstra adreça per lo mandadís
Valoriza aqueste comentari:
1
2
12 d'octòbre 11.43h
E sus l'occitanisme, e marcha tanben? se òc, que'u podetz comandar ua bèra dòsi!
Valoriza aqueste comentari:
8
4
12 d'octòbre 11.33h
"amb aquel produch se pòt alongar lo periòde de santat e doncas de vida del mond" – au plen de la suberpopulacion, l’ubris transumanista ne floisha pas.
Notar que los beneficiaris non seràn pas lo monde de las favelas, ni tanpauc vos e jo, senon los suberrics. En mème temps, tant de bon, que los suberrics e son precisament los qui mei s’ameritaràn de víver en lo mond estèrle e polluit qui s’agin aprestat.
Valoriza aqueste comentari:
5
2
12 d'octòbre 10.32h
Lo biaish mèi bon entà non pas vàder vielh qu'ei de morir joen.
Valoriza aqueste comentari:
8
1
12 d'octòbre 09.22h
Aquela fòto en negre e blanc qu'es en naut lo tèste sembla una allegoria dau movement occitanista en crisi, de l'efèct de sa pensada sus sa quita persona, de l'efèct de sas accions sus la populacion e la socializacion de nòstra identitat despièi de decenias : un papet envelat que regarda vèrs lo sòu, la cana a la man emb d'una saca puslèu voida dinc l'autra. Fasètz-me escusa, braves legeires, mès ai pas pogut resistir.
Question ara : concients que sèm de la joinessa, de la santat, d... Legir mai
Valoriza aqueste comentari:
4
0
1
Comenta
Lo comentari es estat mandat corrèctament
9 comentaris
(6 vòtes)
En cargar
9 comentaris
Mandar
