CAPÇALERA2: FAI-TE SOCI

Jornalet, gaseta occitana d'informacions

Dimenge, 20 de genièr

Actualitats

Dimenge, 21 d'octòbre de 2018, 03h00

E mai l'accent occitan los emmalícia


Comentaris 8 comentaris    
Marrit Flac Bon Plan bon Fabulós (11 vòtes)
carregant En cargar


Semblariá que los jacobins sabon plan çò que la majoritat d'occitans, alienats per París, sabèm pas: sèm un pòble somés, una de lors primièras colònias que dempuèi mila ans an conquistat pauc a cha pauc. Nos an massacrats, nos an umiliats, nos an impausat una istòria falsificada, an quitament manipulat de referendums per prene l'èst del país, an raubat e destruch una partida importanta de nòstre patrimòni cultural, mai que mai literari e musical, e an concebut un sistèma pervèrs per nos tuar la lenga.
 
Encara i de mond viu que se recòrdan de las punicions e de las umiliacions a l'escòla per aver parlat en occitan. Una practica crusèla e inumana per la quala l'Estat a pas jamai encara demandat perdon. Al contrari. Lo jacobinisme se'n vanta. “Sèm totes franceses mentre que parlàvem sovent de pateses un pauc desparièrs”, çò disiá Macron al castèl de Villers-Cotterêts, ont es installada la Ciutat de la francofonia; en març passat, una deputada de Macron restacava l'ensenhament de las lengas mal nomenadas regionalas amb lo terrorisme jihadista; La Pòsta sancionariá los emplegats que parlan occitan. D'exemples d'aquel mesprètz ne poiriam fornir milanta. Mas lo signe pus clar l'avèm viscut aquesta setmana.
 
S’es fòrça parlat del mesprètz de Mélenchon envèrs Véronique Gaurel, una jornalista tolosana que viu e trabalha a París. La jornalista li pausèt una question embarrassanta sus sas contradiccions a prepaus d’adversaris politics enseguits per la justícia, e Mélenchon li respondèt amb mesprètz e ràbia en se trufant de l'accent occitan de Gaurel, del temps qu'assegurava que la jornalista sabiá pas çò que disiá e demandava als autres se qualqu'un li podiá formular de questions "en francés".
 
Imaginatz qu'aquela question l'aguèsse pausada un jornalista estrangièr amb un fòrt accent anglés, o alemand, o quitament rus o escandinau. Mélenchon auriá cercat una autra estrategia per respondre pas, mas se seriá pas brica garçat de l'accent del jornalista, e auriá pas mostrat sa colèra.
 
Se parla de racisme, de glotofobia. Mas i a quicòm mai darrièr aquela reaccion. Mélenchon se trufa de l'accent e mesprèsa la jornalista. Mas al delà se mòstra completament irritat e enmaliciat. Perqué aquela malícia?
 
Malgrat que la majoritat d'occitans siam alienats, la classa politica jacobina sabon plan que sèm un pòble conquistat e somés. Nos an massacrats fins qu'ajam perdut nòstra lenga. N'an pas pro. L'accent qu'es demorat los enmalícia tanben.
 
L’escrivan nòrd-catalan Joan Lluís Lluís o explica clarament dins son libre Conversa amb el meu gos sobre França i els francesos (La Magrana, 2002). “I a, doncas, en França una fiertat del monolingüisme. Es una fiertat pivelaira, sustot perque afècta tanben de gents cultas e intelligentas, de politicians, d’artistas, d’escrivans e de jornalistas”, çò ditz. En mai d’aquò, precisa que “pensan que totas las autras lengas son enemigas potencialas de la lenga francesa. Per eles, i a una guèrra amb dos fronts: lo front exterior… sustot contra l’anglés, e lo front interior, contra «los pateses». Cal dire que los met sovent mai en ràbia lo front interior, perque lo veson coma una conspiracion de traïdors, una cinquena colomna de malparlants…. O veson coma l’òbra malefica de çò que los faissistas apèlan l’anti-França…”
 
 
 
 
 


abonar los amics de Jornalet



publicitat
BANER1: IEA-AALO



Comentaris

28 d'octòbre 16.49h

Après sas paubras simagrèias de la setmana passada, quau podriá rasonablament pensar de laissar los còdes nuclears a d'un òme coma aquò que li es tant malaisat de damorar de sangfreid mai de doas menutas fàcia las dificultats ?


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

27 d'octòbre 21.44h

#6 Correcion : "aquò's quicòm que fariáun PAS espontaneiament ?..."


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

27 d'octòbre 21.41h

#5 Siái pas segur qu'ague bien comprés vòstre perpaus dinc la darrièira frasa. Volètz dire que lo monde que pàrlon francés emb d'un accent provençau, gascon, auvernhat, aquò's pas naturau ? Aquò's quicòm que fariáun espontaneiament ? D'un biais carculat ? Per lo "fun" o per se desmarcar dau restant de la populacion ? Per manténer artificialament una identitat mòrta ? Rasseguratz-me : es pas quò qu'avètz volgut dire ? Autrament, se es aquò qu'avètz volgut dire, podèm aplicar ... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

23 d'octòbre 14.46h

L'accent, se demòra la sola identitat culturala, non m'interèssa. Quan tenem la lenga qui hè aqueste accent non i a mestièr de se justificar o de se sentir escarnit. La diferéncia entre una gent monolingüa qui parla dab un accent e una auta gent bilingüa qui s'exprimís dab lo medish accent, es sia lo folclòre, sia la dignitat lingüistica.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

22 d'octòbre 08.07h

"Imaginatz qu'aquela question l'aguèsse pausada un jornalista estrangièr amb un fòrt accent anglés, o alemand, o quitament rus o escandinau."

Pièger encara : Imaginatz qu'aquela jornalista fosquèsse antilhesa (per comparar ambe un autre biais de parlar francés) e que fosquèsse pas Mélenchon mes la Le Pen o Wauquiez. Imaginatz un pauc la bombassa mediatica.


Valoriza aqueste comentari:   votar positiu 15   votar negatiu 0
Respondre comentari replica Comentari inadeqüat   Formulari d'abús de comentari

21 d'octòbre 17.37h

Cartonàs Roge pel Melenchon
Per totas las eleccions venentas pas un quite sufragi d'occitanista per aqueste racista.

http://lo.lugarn-pno.over-blog.org/2018/10/melenchon-une-attaque-raciste-liee-a-l-accent-occitan.html


Valoriza aqueste comentari:   votar positiu 14   votar negatiu 0
Respondre comentari replica Comentari inadeqüat   Formulari d'abús de comentari

21 d'octòbre 07.51h

Resistència fonetica occitanista en francés: prioritats
- "e" finala pòst-tonica
- "n" consonanta desnasalizada, contràriament a l'estandard francés
E mai que mai en toponimia:
- diftòngues "ei" e "au"
- "en" = [én] o [èn]
- finalas consonanticas sonòras, en zònas de tradicion sonòra, dont "s", e "X" = [SS] de grafia francesa (de reformar!).

Per quant a le díser "ex" en [ess] e assimilacions consonanticas de mais, son mais una articulacion destibada distanta de la grafia e de la f... Legir mai


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

21 d'octòbre 06.20h

Malparlança regionala
Le concèpte de malparlança regionala es l'arma psicosociala del terrorisme lingüistic.
La malparlança va de l'accent al lexic, e mai à la sintaxe, díinquias a la lengua locala.
La consciéncia de la malparlança vèn de l'escòla, del mitan social o de la mobilitat geografica, e s'ensièc d'autocorreccion o de conservacion de resistència o mai de militantisme.
L'inconsciència de malparlança, la qu'es socialament acceptada mas trufada, çò's la non-correccion es... Legir mai


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

Una minuta de silenci

Colcada sul lièch d’aquel espitalòt de província, la vielha èra a mand de crebar. Fasiá longtemps qu’èra maltractada, e malgrat qu’aguèsse ...
giny

Lo temps

Mapa
  • nuvols Agen 8 2
  • nuvols Aush 2
  • pluja Bordèu 9 2
  • sol Briançon 0 -13
  • nuvols Caors 1
  • nuvols Carcassona 8 1
  • nuvols Clarmont-Ferrand 6 1
  • nuvols Confolent 11 1
  • sol Gap 7 -2
  • pluja La Canau 2
  • sol La Gàrdia 11 2
  • nuvols_parcials La Torre de Pèlitz 6 -1
  • nuvols Limòtges 11 1
  • nuvols_parcials Lo Borg Sant Dalmatz 8 -1
  • nuvols Lo Puèi de Velai 4 -1
  • sol Marselha 11 1
  • pluja Montpelhièr 7 4
  • pluja Naut Aran 8 -1
  • sol Niça 2 -8
  • pluja Nimes 7 3
  • nuvols Pau 2
  • pluja Peireguers 7 1
  • nuvols Rodés 7 -1
  • nuvols Tolon 13 2
  • pluja Tolosa 8 3
  • nuvols Valença 8 0

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: sapiéncia



publicitat

lateral 2 teveoc

Fotografias

  • Occitan e economia: "occitanitat mai o mens visibla"

  • Carnaval de Limós. © Franc Bardòu

    Carnaval de Limós 2013

  • © Franc Bardòu

    Coserans al còr

  • Un soquet de carinhan rassegat dins una vinha de Marcorinhan (à costat de Narbona) e que fa una plan polida femna occitana presta a despolharse ,la pauvreta, avant de s'en anar al fuóc la nueit de Nadal. © Arleta Theron

    Concors de Nadal de Jornalet: Cossí se passan las Calendas en cò vòstre?

  • © Laurenç Revèst

    Ua comua de la valaia dai Palhons: L'Escarea, gents de cadea

  • © Conselh Generau d'Aran

    Lo Torn de França 2016 en Aran

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • Castelar

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • Aison. © Andrea Celauro

    País d'Aison (Val d'Estura)

  • © Laurenç Revèst

    Las Cevènas, Barjac en Val de Cese

  • Coserans: Sent Líser, Casavèth, Sent Guironç, Saurat...

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    Montpelhièr: inauguracion de la granda exposicion patrimoniala "Max Roquèta, la libertat de l'imaginari"

  • © Franc Bardòu

    Coserans al còr

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Aure Séguier

    Carnaval Biarnés 2017

  • La grèpia de mon ostau amb la bandièra occitana e lei santons provençaus, esperant Jèsus... © Quentin Willaume

    Concors de Nadal de Jornalet: Cossí se passan las Calendas en cò vòstre?

  • © Laurenç Revèst

    Castelar

giny

Las mai...

publicitat

LATERAL2 300x250: Cultura Conselh Aran

giny

Sondatge

Creses qu’es important de participar al grand debat de Macron?


24%



28%



48%



0%




Vots 29 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)