Bandièra01 1180x150: Comuna de Tolosa

Actualitats

Cal un cambiament de dièta (e mondial)

Un estudi mesura cossí la produccion actuala de manjar, e sustot, lo consum planetari es prèp de rompre los limits mondials pr’amor de sas caracteristicas

La sciéncia, de còps, pòt tanben èsser utilizada per melhorar la lucha contra lo cambiament environamental e la santat de las personas. Aquò es la resulta d’un nòu estudi scientific que demanda un cambiament global dins la dièta dels umans de la planeta tota se volèm subreviure en 2050. La solucion seriá de manjar fòrça mens de carn.
 
Una dièta vegetala, fòrça mai sana, es çò que prepausan los cercaires d’aquesta còla internacionala. Aital se pòt reduire la pèrda d’aiga al nivèl mondial. A mai, cal tanplan melhorar las practicas agricòlas amb de nòvas tecnologias ja emplegadas en plusors païses de la planeta. Mas aquel cambiament, lo cal far al nivèl planetari. En 2050, la populacion de la Tèrra arribarà als 10 miliards de personas e l’avenir de l’umanitat, çò dison aqueles scientifics, serà en perilh.
 
 
Lo primièr estudi qu’analisa tot aquò
 
L’estudi es ja conegut coma lo primièr que mesura cossí la produccion actuala de manjar, e sustot, lo consum planetari es prèp de rompre los limits mondials pr’amor de sas caracteristicas. Cal començar lèu, çò diguèron los cercaires, un camin viable per la subrevivéncia umana abans que siá tròp tard.
 
“Avèm volgut soslinhar que divèrsas solucions amassa pòdon far venir possible de noirir l’umanitat malgrat son nombre —çò diguèt Marco Springmann, del Programa sus lo Futur de l’Alimentacion de l’Escòla Martin d’Oxford—. Sens cap d’aquelas accions, l’impacte environamental del sistèma alimentari mondial actual creisserà d’un 50 a un 90% en 2050. E tot aquò vendrà en causa de la dièta rica en graisses, sucre e carn. L’umanitat aurà alavetz de besonh de dos còps mai de noiridura qu’ara”.
 
L’estudi amassèt doncas mai d’una solucion globala que, a l’encòp, poirián melhorar la produccion de manjar sus la Tèrra. Segon aquel estudi, cal cambiar de dièta e la rendre mai vegetariana mas al nivèl mondial. Amb aquò, çò dison, las emissions de gases d’efièch de sèrra se poirián reduire d’un 50%, e l’utilizacion de fertilizants e d’aiga d’un 25%.
 
Al delà d’aquò, l’estudi soslinhèt que cal introduire las nòvas tecnologias dins l’agricultura a l’encòp dins totas las regions de la planeta per demesir la pression de mai de tèrra, d’aiga e de fertilizants que la patís la planeta uèi lo jorn. Fin finala, cal reduire la pèrda de manjar e d’aiga actuala e aquò se pòt arribar de far amb de nòvas tecnologias fins a un 16%. (Legissètz la seguida)


 
Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.





abonar los amics de Jornalet



 
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
5.

Benvolgut amic Emmanuel l'alvocat es lo fruit d'un arbre e es molt bo per la salut, lo cafè es bò per donar ànim al dematin e haver força per poder trebalhar e pels que tenen la pressió de la sang baixa es indispensable prendre almanco un cafè al dia, las bananas de la classa que sian: platans ,machos,... menjar-ne un al dia es bò, la xocolata negra baixa de sucre, consumida amb moderacion es bò, lo tè baissa un poc la sang mas non he sentit dir mai que sia dolent. Lo sucre oc que es delicat a partir d'una certa edat pel que tenen biabetis.
Per produir un quilo de carn es necessitan una quantitat enorme de vegetals, me sembla qu' uns 80 quilos de vegetals.

  • 3
  • 1
Lo raiòu Cevenas
4.

Gramecí, Jornalet, per aqueste article.

  • 3
  • 0
Emmanuèl Isopet
3.

Mas vegetariana, probable, mai locala, segur. Cal demesir la consomacion de cafè, banana, chocolat, sucre, avocat, tè... (ja començar per causir aqueles produches "bio" E "equitable" pel mens, seria plan).
La presa de consciença es en camin!

  • 3
  • 0
Lutz
2.

Es per aquò qu'ara, respondi als que se trufan dels vegans : «Veni del futur, podètz pas comprene». ;)

  • 4
  • 3
Pitaluga
1.

S'èra pas que la dieta!

  • 4
  • 0

Escriu un comentari sus aqueste article