Bandièra01 1180x150: Comuna de Tolosa

Actualitats

An onorats los mòrts bretons de la Granda Guèrra

Una declaracion foguèt legida per recordar lo sacrifici dels 240 000 bretons tuats a causa de França

Aqueste dimenge 11 de novembre, èran una vintena atropelats davant lo monument dels mòrts de Gwened (Bretanha) per onorar los defuntats bretons de la Granda Guèrra. Aquesta amassada es organizada cada an pel collectiu independentista breton Bemdez (cada dia) menat per Bertrand Deléon.
 
Una declaracion foguèt legida en breton e en francés per remembrar lo sacrifici dels 240 000 bretons (un 22% dels mobilizats) tuats a causa de França. Aquela amassada foguèt l’escasença de ramentar tanben que la Primièra Guèrra Mondiala foguèt un vertadièr traumatisme cultural en Bretanha. D'efièch, coma en Occitània amb la lenga occitana, aquela guèrra foguèt lo comencament de la reculada del galò e del breton dins la societa bretona. Après 1918, foguèt una lenta decadéncia per las lengas pròprias de Bretanha e lo començament d’un traumatisme etnopsiquiatric pel poble breton.
 
A l’acabament de la ceremònia e del depaus d’una garba, los militants cantèron l’imne naçional breton, lo Bro gozh ma zadoù (la tèrra de mos paires).
 
 
 
 
Fabien Lécuyer
 
 
 
Un vidèo sus la batalha de Dixmude, en Belgica, ont un tropet de marins bretons s’afrontèron a 50 000 soldats alemands:
 

 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
20.

Los breton morigueron al nord per la patria frnacesa, los occitans egal, los catalans tamben. E tots morigueron per la patria qu' era pas la seuna. Mas n'hi haguet de soldats qu' es rebeleron contra sos comandaments e los militarassos los feren afusselhar. Mas almanco moriren per defensar-se a eles e pas a l'imperi francaise.

  • 0
  • 0
Emmanuèl Isopet
19.

#18 Compreni pas. Diga-me quin es l'interès de far lo "job" que prepausas, e diga-me perqué o fas pas tu e demandas a d'autres (qual) d'o far. Personalament ai de mal a me botar al trabalh quand ne vesi pas l'interès e en mai quand es un anonim qu'ordona d'o far.
Se mon actitud es la rason de la flaquesa de l'occitanisme, espèri quelques conselhs per la melhorar.

  • 2
  • 5
Karmen
18.

#17

Super repòsta !
Aqui fas la demonstracion, a belis uèlhs vesent, d’una partida de la mentalitat que fa que l’occitanisme es un fiascò !

  • 0
  • 2
Emmanuèl Isopet
17.

#16 Compreni pas Karmen. O puslèu si, compreni que vòles far trabalhar qualqu'un mai que tu. Qual? E o vòles far perqué degun t'a pas menat dabans lo nas las chifras que semblan t'interessar tant. De chifras per departament (perqué per departament?)
Mas totas aquestas chifras existisson ja e los istorians dempuèi un sègle an pas esperat Karmen per calcular tot aquò.
Ai relevat qualques afirmacions e me demandan se relèvan de la totologia, de las lapalissadas o de l'ignorància.
-"los nascuts d’abans 14 qu’avian pas 18 ans abans 1918 an pas estat mobilizats."
-"las femnas an pas facha la guerra e que los non mobilizats l’an pas facha tanpauc, amb’ aquò es una vistada ensenhadora."
-"Apèi i a las populacions civilas tiadas mentre la guerra, pensi pas qu’occitània aguessa patit aqui, puèi i a los nhafrats de guerra que se moriguèron apèi guerra, mas que son mòrts causa de la guerra e pas comptabilizats enluòc."
Doas questions meritan una responsa abans de se lançar dins lo "job" coma disètz:
-1) que volètz saber exactament?
-2) per ne far qué?
Personalament, pensi pas que lo "job" m'interèsse.

  • 5
  • 5
Karmen
16.

#15

Non pas…. Aquò es de trabalh d’occitanista e de lenga-logat: agachar çò que fan los autres e far lenga !

Lo vertadièr trabalh es la basa de la populacion de 1911 òmes e femnas per departament
La basa de donadas dels mòrts a la guerra de 14-18 (departaments)
La basa de donadas dels mòrts « per França » a la guerra de 14-18 (departaments)

Tornar chifrar aquò per departament sortir los chifras e los percentages per los òmes, per la populacion tota e chifrar las perdas per occitània. E es plan segur que los nascuts d’abans 14 qu’avian pas 18 ans abans 1918 an pas estat mobilizats.

Puèi lo nombre de mobilizats per departament per cada annada de guerra e tornar chifrar tot aquò.
Lo nombre de mòrts non pòt èsser comptabilizat que per los qu’an estat mobilizats per departaments.
Per lo rapòrt a la populacion tota es una estimacion e per lo rapòrt la populacion mascle es tanben una estimacion vist que la femnas an pas facha la guerra e que los non mobilizats l’an pas facha tanpauc, amb’ aquò es una vistada ensenhadora.

Apèi i a las populacions civilas tiadas mentre la guerra, pensi pas qu’occitània aguessa patit aqui, puèi i a los nhafrats de guerra que se moriguèron apèi guerra, mas que son mòrts causa de la guerra e pas comptabilizats enluòc.

Es aquò lo job !

Lo fasetz o lo fasetz pas !

  • 1
  • 8

Escriu un comentari sus aqueste article