La cancelièra alemanda, Angela Merkel, prepausèt dimars passat, 13 de novembre, la creacion d’una armada europèa que completèsse sul continent la foncion de l’OTAN. O diguèt dins un discors que faguèt al Parlament Europèu, en tot assegurar que las fòrças armadas europèas deurián  “demostrar al Mond qu’entre los païses d’Euròpa i pòt pas pus aver de guèrras”. La proposicion foguèt aculhida entre aplaudiments e escridassadas.
 
Segon Merkel, l’actual sistèma de defensa de l’UE es pas “eficaça” e cal una melhora integracion militara. Es atal que Merkel ten l'escomesa d’Emmanuel Macron, qu’en julhet passat faguèt una proposicion similara. “Los europèus deuriam èsser de mai en mai capables de nos protegir a nosautres meteisses e nòstra sobeiranetat”, çò declarèt la ministra francesa de la defensa, Florence Parly.
 
Los caps dels executius francés e alemand mostrèron una bona sintonia long de la dimenjada passada en França pendent las commemoracions del centenari de l’armistici de 1918.
 
 
Trump: “Es Alemanha qu’es darrièr las guèrras mondialas”
 
La proposicion de Merkel arriba pauc après que lo president dels Estats Units, Donald Trump, critiquèt l’eventuala creacion d’una armada europèa. “Macron suggerís de bastir sa pròpria armada per protegir Euròpa dels Estats Units, de China e de Russia. Mas es Alemanha qu’es darrièr las guèrras mondialas. E cossí s’acabèt aquò per França? Començavan d’aprene alemand a París abans del’intervenien estatsunidenca”, çò diguèt sus Twitter.
 
 

Germany: Merkel urges EU lawmakers to work toward creating a European army that would compliment NATO • Future for Peace • Nov 2018 pic.twitter.com/ujRCQTp1Zk

— redball (@redball2) 14 de novembre de 2018

 

Wide applause and some booing at the European Parliament for Angela #Merkel's call for a "real European army" and a European Security Council with rotating presidencies. She says she's loving the chaotic response. pic.twitter.com/xVBNMuU5tT

— Teri Schultz (@terischultz) 13 de novembre de 2018