Bandièra01 1180x150: Comuna de Tolosa

Actualitats

Madrid: d'activistas de Femen afrontan una ceremònia faissista

Las activistas planhián lo fach que d’eveniments d’aquela sòrta foguèsson legals. Foguèron tabasadas pels acampats e detengudas per la polícia

| @femenlara
Tres activistas del grop Femen faguèron irrupcion dins una ceremònia en onor de Franco convocada a Madrid dimenge passat pels partits d’ultradrecha Vox e la Falange. Las activistas deploravan lo fach que d’eveniments d’aquela mena foguèsson legals: “Faissisme legal, vergonha nacionala” èra escrich sul pitre nud de las militantas.
 
Las tres activistas foguèron arrestadas, après èsser estadas tabasadas per qualques unes dels ultradrechistas amassats, coma podètz veire dins lo vidèo que seguís.
 
Aquel eveniment d’exaltacion del franquisme se convòca cada an a l’entorn de la data de la mòrt del dictator –lo 20 de novembre de 1975– e ongan denonciava la Lei de la Memòria Istorica, que cèrca de condemnar los crimes del franquisme e de traire lo còrs del dictator de son mausolèu.
 
 

 

 
 
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Bona femnas per ensenhar a quatre decrepits bolhats lo qu' es la libertat.

  • 6
  • 0
Pitaluga
3.

#1 Me sembla que vos rendètz pas compte de çò que son aquel mond faissista. Son de violents. E cal ave de fetge per anar lor dire çò que son.
Aürosament que i a las Femen siquenon en Espanha se'n parlariá pas de la recrudescéncia del faissisme.Los mèdias s'estiman mai tustar sus bascos e catalans. Se pòt que lo partit obèrtament franquista VOX aja de deputats per las eleccions venentas.

  • 11
  • 2
Joan-Pèire Soulié
2.

#1 s’amusan las femens a Madrid ? La reaccion dels faissistas sembla pas tròp inspirada per fin’amor !

  • 9
  • 2
Gavèl
1.

Es al pakistan que cal qu'anèssen manifestar aquelas femnas.
Un còp a Lorda, un còp a Madrid... s'amusan.
Encara que poirián ben trapar un raumàs.

  • 2
  • 20

Escriu un comentari sus aqueste article