Bandièra01 1180x150: Comuna de Tolosa

Actualitats

Rugbi de XIII: un dimenge en verd e blanc

Aquesta dimenjada deviá véser la debuta del campionat d’Elèit 1 de XIII, mas la situacion per las rotas anullèt tres partidas

Los malhòts jaunes de Carcassona capitèron pas de blocar lo camin dels ensages als lesinhaneses
Los malhòts jaunes de Carcassona capitèron pas de blocar lo camin dels ensages als lesinhaneses
Una dimenjada estequida
 
Demorava al programa solament doas partidas.
 
Al Molin, sens tribunas, se teniá lo dèrbi entre Lesinhan e Carcassona. Lesinhan se mostrèt mai realista que los Jaune e Negre. Malgrat que joguèsson a 12 tre la fin del primièr temps (carton roge), los locals faguèron la diferéncia a la represa abans de resistir al retorn dels Canaris: 29-22.
 
A Sent Gaudenç, calguèt esperar la darrièra minuta e un ensag transformat dels vesitaires per conéisser lo ganhant: Vilanòva 22-20.
 
 
Afrontament occitanocatalan a l’Agulha
 
En cap d’aficha de la segonda jornada, la partida entre Limós e Sant Estève-XIII Catalan dimenge 2 de decembre de vèspre a l’Agulha. Malaisit de considerar lo rescontre coma un revenge de la finala de la Copa, vistas las modificacions portadas a la formacion catalana.
 
Dissabte en fin de vèspre, Carcassona XIII reçauprà a Domèc la resèrva tolosana.
 
Al programa de la jornada, se jogaràn los afrontaments Albi-Vilanòva, Palau-Avinhon e Sent Gaudenç-Lesinhan.
 
 
 
 
Alan Roch


 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

IEO-Aude
1.

Presentacion del libre Lo XIII, aquo òc ! aqueste dissabte 1èr de decembre jol tibanèl de l'estadi Domèc a Carcassona aprèp la partida Carcassona-Tolosa.

  • 1
  • 0

Escriu un comentari sus aqueste article