Actualitats
Cauma de la fam de dos presonièrs politics catalans
Reclaman que lo Tribunal Constitucional espanhòl responda a lors recorses paralisats dempuèi un an, car es lo sol biais de far una apelacion davant la Cort Europèa dels Dreches Umans
Dos presonièrs politics catalans, Jordi Sànchez e Jordi Turull, an començat una cauma de la fam per denonciar lor situacion judiciària e reclamar al Tribunal Constitucional espanhòl que responda a lors recorses paralisats dempuèi un an. Sens aquela responsa del Tribunal Constitucional los presonièrs politics catalans pòdon pas far una apelacion davant la Cort Europèa dels Dreches Umans.
Aqueste dissabte passat de matin, Sànchez e Turull an comunicat a la direccion de la preson que començan la cauma, sens precisar quora s’acabarà. Tot presonièr que vòlga far una cauma de la fam o deu comunicar individualment a la direccion de la preson per mejan d’una instància, ont deu especificar se serà cauma de la fam e de la set o sonque de la fam. Los mètges del centre penitenciari contraròtlan lor santat.
Los autres presonièrs faràn d’autras accions de protèsta que las decidiràn cadun individualament.
Primèra fòto dels presonièrs politics
D’autre latz, totes los presonièrs politics embarrats a la preson de Lledoners –Oriol Junqueras, Jordi Turull, Josep Rull, Joaquim Forn, Raül Romeva, Jordi Sànchez e Jordi Cuixart– an aparegut pel primièr còp ensems sus una fotografia facha a l’interior de la preson. Sus la fòto manca las doas femnas presonièras politicas, Carme Forcadell e Dolors Bassa, que son dins de presons diferentas.
An creat un sit web per sosténer la cauma de la fam.
Aqueste dissabte passat de matin, Sànchez e Turull an comunicat a la direccion de la preson que començan la cauma, sens precisar quora s’acabarà. Tot presonièr que vòlga far una cauma de la fam o deu comunicar individualment a la direccion de la preson per mejan d’una instància, ont deu especificar se serà cauma de la fam e de la set o sonque de la fam. Los mètges del centre penitenciari contraròtlan lor santat.
Los autres presonièrs faràn d’autras accions de protèsta que las decidiràn cadun individualament.
Primèra fòto dels presonièrs politics
D’autre latz, totes los presonièrs politics embarrats a la preson de Lledoners –Oriol Junqueras, Jordi Turull, Josep Rull, Joaquim Forn, Raül Romeva, Jordi Sànchez e Jordi Cuixart– an aparegut pel primièr còp ensems sus una fotografia facha a l’interior de la preson. Sus la fòto manca las doas femnas presonièras politicas, Carme Forcadell e Dolors Bassa, que son dins de presons diferentas.
Avui, com ahir i com demà: unitat serenor i coratge. Visca la República! #LlibertatPresosiPresesPolítiquespic.twitter.com/HTS9ds09VH
— Òmnium Cultural (@omnium) 1 de desembre de 2018
An creat un sit web per sosténer la cauma de la fam.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los republicans e democratas catalans son en preson e los faissistas franquistas de VOX deputats al parlament d'Andaloia. Es lo resultat del nacionalisme fòl dels espanholistas. 12 deputats, pas qu'aquò! Pòdon èsser fièr lo Borbon e sos turiferaris.
Lo Tribunal autoanomenat Constitucional espanhol vol pas respondre, per alhargar lo recurs que posaran puei los catalans al tribunals europeus, on no figura pas los delictes de rebelion ni malversacio,ni punhetas.
Sosten als presonièrs politics catalans e vergonha a la Comission europèa que se cala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari