Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Es estudiants d’Aran poiràn hèr es examens dera Selectivitat en occitan

Enes Pròves d’Accès ara Universitat de 2019 que s’i presentaràn es estudiants aranesi, s’includirà era opcion der occitan aranés enes enonciats der examen d’Istòria

Era Universitat de Lhèida serà encargada de provedir es mecanismes de besonh en cas que calesse era traduccion des responses des examens, entà qu’era sua correccion s’amie a tèrme en egalitat de condicions damb es auti candidats
Era Universitat de Lhèida serà encargada de provedir es mecanismes de besonh en cas que calesse era traduccion des responses des examens, entà qu’era sua correccion s’amie a tèrme en egalitat de condicions damb es auti candidats | Conselh Generau d\'Aran
Eth Conselh Generau d’Aran, eth Departament d’Enterpresa e Coneishença dera Generalitat de Catalonha e era Universitat de Lhèida an signat un convèni entath desvolopament des Pròves d’Accès ara Universitat (PAU) en aranés.
 
Er objectiu deth convèni ei regular es activitats qu’amiaràn a tèrme eth Conselh Generau d’Aran, era Administracion dera Generalitat de Catalonha, mejançant eth Departament d’Enterpresa e Coneishença, e era Universitat de Lhèida damb era tòca d’includir enes Pròves d’Accès ara Universitat que s’i presenten es estudiants d’Aran era opcion d’enonciats en lengua occitana.
 
Enes Pròves d’Accès ara Universitat de 2019, s’includirà era opcion der occitan aranés enes enonciats der examen d’Istòria, matèria obligatòria entà toti es escolans. Es successives convocacions, era Comission de Seguiment designada a compdar der acòrd poderà agranir es matèries en qué s’establisque era opcion d’enonciats en occitan aranés.
 
Eth Conselh Generau d’Aran designarà es persones qu’amiaràn a tèrme era traduccion ar occitan aranés des enonciats des PAU, e assumirà es despenses de traduccion des enonciats des pròves que se determinen. Era traduccion se realizarà un còp barrat eth procès de maquetatge e edicion des enonciats en catalan e en castelhan, e es persones encargades dera traduccion auràn de seguir eth protocòu de confidencialitat establit ena elaboracion des PAU.
 
Es còsti d’edicion e d’impression des enonciats der examen en occitan aranés, seràn assumidi pera Generalitat, a trauès deth Conselh Interuniversitari de Catalonha.
 
Era Universitat de Lhèida serà encargada de provedir es mecanismes de besonh en cas que calesse era traduccion des responses des examens, entà qu’era sua correccion s’amie a tèrme en egalitat de condicions damb es auti candidats.
 
En aguest sens, cau arrebrembar que Lourdes Bruna, escolana der Institut d’Aran e vesia d’Arties, siguec er an passat era prumèra estudianta qu’arresponec en aranés dus examens dera fasa especifica des PAU ena UdL, enes matèries de matematiques e fisica, quan demanèc de poder passar er examen en aranés, pr’amor qu’er occitan ei lengua oficiau en Catalonha a compdar der an 2006.
 
Eth sindic d’Aran Carlos Barrera, a explicat que damb aguest convèni se barre era demana istorica deth Conselh Generau d’Aran ara Generalitat de Catalonha entà qu’es estudiants dera Val d’Aran podessen auer era opcion de hèr es Pròves d’Accès ara Universitat en aranés.
 
 
 
 
Arténher/CGA
 
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
2.

Cal enviar lo Blanquer far un estagi a Vièlha.

  • 5
  • 0
francesc palma
1.

Urrà !!!!

  • 3
  • 0

Escriu un comentari sus aqueste article