Actualitats
La Setmana Calabresa comença!
S’agís d’una manifestacion culturala organizada per l’associacion Tifa Tafa Tafanari; comença dimars 4 de decembre e s’esperlonga fins al dimenge 9 de decembre
Fa d’annadas que l’associacion del Carós Tifa Tafa Tafanari organiza la Setmana Calabresa en decembre. Lo principi es simple e eficaç: una setmana de rescontres culturals e artistics a l’entorn de Calàbria amb la preséncia d’artistas calabreses, los de l’associacion Totarella, sens doblidar la cultura del país qu’aculhís tot aquò. Cada annada, lo festenal s’organiza a l’entorn d’una serada cinèma, d’una serada cantada, d’una conferéncia, de mai d’un balèti e s’acaba totjorn al cafè monument istoric de Camplong, en dessús de Bedarius. Una de sas particularitats: l’itinerància. Cada serada se debana dins una comuna diferenta, dins un endrech diferent, amb un ambient diferent: cinèma, chai, sala de las fèstas, glèisa, estanquet.
Los artistas calabreses convidats son Francesco Rosa al tamburello, Pino Salamone, zampognaire e lutièr, Saverio Marino, cantador e jogaire de totarella (pichòt graile), Tonino Cavallo, acordeonista e Paolo Napoli, zampognaire, jogaire de totarella, acordeonista, cantador e etnomusicològ, Los musicians venon acompanhats d’un dançaire: Daniele Aducci. Tot aquel mond animan d’estagis de dança, d’acordeon, de zampogna, de tamburello, de cants, qu’an bravament de succès cada annada.
Ongan, doas noveltats:
Las seradas son a prètz liure per donar a cadun la possibilitat de far segon sas possibilitats e per una egalitat per totes d’accès a la cultura.
L’associacion Tifa Tafa Tafanari organiza tanben lo festenal Mai que Mai, e podètz ja notar las datas per 2019: del 28 de mai al 2 de junh.
Melania Laupies
Los artistas calabreses convidats son Francesco Rosa al tamburello, Pino Salamone, zampognaire e lutièr, Saverio Marino, cantador e jogaire de totarella (pichòt graile), Tonino Cavallo, acordeonista e Paolo Napoli, zampognaire, jogaire de totarella, acordeonista, cantador e etnomusicològ, Los musicians venon acompanhats d’un dançaire: Daniele Aducci. Tot aquel mond animan d’estagis de dança, d’acordeon, de zampogna, de tamburello, de cants, qu’an bravament de succès cada annada.
Ongan, doas noveltats:
— una serada a Pesenàs, dins l’encastre de la programacion municipala del “Nadal de Pesenàs” (en occitan dins lo tèxt) amb un passacarrièra, un concèrt e un balèti del grop Arc Nòrd Mediterranèa, projècte que ne parlèrem ja dins Jornalet. Los calabreses de Totarella fan justament partida d’aquel projècte. Es una de las darrièras datas del grop Arc Nòrd Mediterranèa. E per l’escasença lo compositor Jean-Pierre Sarzier, farà de sound painting. De mancar pas!
— lo grand balèti del dissabte se farà pas a Colombièras coma las annadas precedentas, vilatge ont es basada l’associacion Tifa Tafa Tafanari. Es deslocalizat a la vila, a Besièrs, a la CIMADE (associacion d’ajudas als refugiats, migrants e demandaires d’asil). Serà un balèti animat pels artistas calabreses, pels musicians d’Arc Nòrd Mediterranèa e per lo grop Tafanari. Lo sopar serà calabrés, lo dessèrt serà preparat per l'obrador de cosina de la Cimade. Una crana collaboracion que saludam per aquelas oras brunas que patís la vila.
— lo grand balèti del dissabte se farà pas a Colombièras coma las annadas precedentas, vilatge ont es basada l’associacion Tifa Tafa Tafanari. Es deslocalizat a la vila, a Besièrs, a la CIMADE (associacion d’ajudas als refugiats, migrants e demandaires d’asil). Serà un balèti animat pels artistas calabreses, pels musicians d’Arc Nòrd Mediterranèa e per lo grop Tafanari. Lo sopar serà calabrés, lo dessèrt serà preparat per l'obrador de cosina de la Cimade. Una crana collaboracion que saludam per aquelas oras brunas que patís la vila.
Las seradas son a prètz liure per donar a cadun la possibilitat de far segon sas possibilitats e per una egalitat per totes d’accès a la cultura.
L’associacion Tifa Tafa Tafanari organiza tanben lo festenal Mai que Mai, e podètz ja notar las datas per 2019: del 28 de mai al 2 de junh.
Melania Laupies
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una bona festa al honor de la cultura occitana a Calabria. Cal haver memòria d'aqueste feit.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari