Bandièra01 1180x150: Comuna de Tolosa

Actualitats

Los projectils de la polícia an tuat una femna a Marselha del temps qu’un jove tolosan es dins lo còma

La femna èra a barrar sos contravents per evitar las fumadas de bombas lacrimogènas e n’a recebut una en plena cara. A Tolosa, un jove es dins lo còma per après èsser estat nafrat al cap amb un tir de flash-ball

| Clement Mahodeau / AFP
Zineb Redouane, una femna d’80 ans de Marselha, es mòrta a causa d’una granada lacrimogèna tirada per la polícia. Lo projectil li tustèt la cara mentre qu’ela barrava los contravents de son apartament, al 4n estatge d’un immòble près de la Canebiera. Foguèt ferida dissabte e la menèron a l’espital de la Timona e puèi al de la Concepcion, ont moriguèt dimenge, dins una intervencion cirurgicala, çò rapòrta La Provence.
 
“Avèm retrobat en cò sieu de plòts de granadas, mas a aqueste estadi podèm pas establir de liame de causa a efiech entre la nafra e lo decès”, çò a dich lo procuraire de Marselha Xavier Tarabeux. S’espèra lo resultat de l’autopsia.
 
D’autre caire, l’avocat d’una amiga de la victima a declarat a l’AFP que “la femna èra a barrar sei còntravents per evitar lei fumadas de bombas lacrimogènas quand ne recebèt una en plena cara”.
 
La polícia èra a reprimir d’incidents qu’avián esclatat en fin de jornada sul Pòrt Vielh de Marselha e puèi sus la Canabiera, après una jornada marcada per mai d’una manifestacion a l’apèl dels Gilets Jaunes e tanben del collectiu nascut après la mòrt de 8 personas dins l’esfondrament de dos immòbles dins lo quartièr de las Noalhas.
 
R. Zineb èra d'origina argeriana e sa familha cèrca de repatriar dins son país sa despolha per l'inumar.
 
 
 
Un jove de Tolosa dins lo còma
 
A Tolosa, un gojat de 28 ans apelat Benoît es estat victima de la repression policièra contra los Gilets Jaunes. Es dins lo còma dempuèi dissabte après èsser estat grèvament nafrat al cap amb un tir de flash-ball.
 
Segon France-Soir, se pausa la question se la polícia a respectat las consignas d’utilizacion d’aquela arma dins lo cas precís d’aquel tir, qu’a talament ferit un gojat de 2 mètres e 90 kg.

 
 


 


 


abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
3.

Se'n vanta pas d'aquela l'ancian jogaire de pòquer!
Paura femna!
E lo mut de l'Elisèu que, après la visita al monument a la glòria dels masèls de Napoleon a travèrs tota euròpa*, fa la virada de las casèrnas. E pas un mot sus las gents que patisson, levat los rics establiments de la « plus belle avenue du Monde » (sansònha repetida coma metòde Coué de mond que dobta fin finala d’èsser de la « ville lumière"). Cambia pas lo regde de la comprenèla: es coma la supression de l'ISF e res de res pels paures s'es pas qualque bocin d'esparadrap.

*Estranha idèa d'aver mes lo soldat desconegut, emblèma dels mòrts per pas res, jos l'arc de triomf al maselaire.

  • 10
  • 0
francesc palma
2.

Qui son los violents ? La policia assassina per ordres de Macron. Criminals !

  • 6
  • 0
Abram Auvèrnhe
1.

E quant ne'n chaudrá enquèra de mòrts per que siajan interditas aquelas putas de granadas !
Una pensada esmoguda per lo Rémi Fraisse → www.youtube.com/watch?v=QvrwdcjzCSg

  • 9
  • 0

Escriu un comentari sus aqueste article