Bandièra01 1180x150: Comuna de Tolosa

Actualitats

Los Gilets Jaunes arriban en Catalonha e Aran

Una protèsta sociala contra la tenguda d’un conselh dels ministres espanhòls a Barcelona s’inspira del movement dels Gilets Jaunes

| La Forja
Qualques collectius ciutadans an cridat a una protèsta ciutadana en Catalonha e Aran que, inspirada del movement dels Gilets Jaunes, cèrca de paralisar lo país lo 21 de decembre que ven. Jos lo lèma “lo grand arrèst”, apèlan a s’abilhar amb de gilets jaunes e cèrcan de protestar contra lo conselh dels ministres espanhòls que se farà, de biais extraordinari, a Barcelona, just durant lo 1r anniversari de las eleccions regionalas impausadas pel govèrn estatal après la suspension espanhòla del govèrn de la Generalitat.
 
Plusors Comitats de Defensa de la Republica (CDR) cridan al “grand arrèst” e demandan de blocar las principalas estradas e infrastructuras del país del temps que l'Assemblada Nacionala Catalana anóncia una protèsta energica.
 

 
Dins aquel sens, es vengut viral un vidèo ont l’actor Toni Albà, plan conegut en Catalonha, suggerís de jónher la protèsta:
 

 
La Generalitat “protegirà” los ciutadans que protestaràn
 
De son caire, lo govèrn de la Generalitat de Catalonha a dich que compren la protèsta e que “protegirà los ciutadans” que protestaràn. “Venir far aquela reünion lo 21 de decembre es una provocacion”, çò diguèt dimars passat la pòrtavotz del govèrn catalan, Elsa Artadi. “Mai que mai quand auràn un an las eleccions al Parlament, d’eleccions que ganhèt l’independentisme mas que lor resultat s’apliquèt pas, a causa de l’intervencion del jutge Llarena quand se volguèt far los debats d’investidura”, çò apondèt.
 
Dins aquel sens, Artadi assegurèt que “los ciutadans de Catalonha an drech de protestar, e doncas, nosautres protegirem lo drech qu’an lo mond de protestar”.
 

 
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Es la dreta catalana que mena lo procès. Aniria plan qu' hi hagués lo movement dels jecs grocs per defensar los drets dels trabalhadors e los mai necessitats, poder haver un trebalh digne, e pas jubilacions de 300 euros, es a dir lo que vol l'esquerra. E naturalament demandar la defensa dels valors nacionals catalans que non estan pas reconeguts coma la Nacion Catalana, lo referendum, lo concert economic coma lo basc, lo blindage de la cultura e la lenga catalanas,......

  • 1
  • 0

Escriu un comentari sus aqueste article