Bandièra01 1180x150: Comuna de Tolosa

Actualitats

Macron anóncia una pojada de l’SMIC e una reduccion de taxas per apasimar los Gilets Jaunes

Pendent tot son discors, Macron a tengut un ton solemne e patriotic en assegurant qu’el e lo govèrn de Philippe ensajan solament de melhorar lo país

Après mai d’una setmana de silenci mentretant, lo president francés, Emmanuel Macron, a enfin parlat. Dins un brèu discors de 13 minutas, Macron a anonciat aqueste diluns a 20h sa responsa a l’avalanca de protèstas dels Gilets Jaunes que tenon l’estat francés en crisi sociala. Atal a anonciat un aument de 100 èuros per mes de l’SMIC a partir de 2019. Actualament, aquel salari minim interprofessional de creissença es de 1185 èuros nets per mes. Otra aquela mesura, Macron a anonciat una reduccion de las taxas e son intencion d’encoratjar las entrepresas a pagar a lors salariats una prima excepcionala a la fin de l’annada, sens taxas.
 
“Vòli decretar l’estat d’urgéncia economic e social”, çò a dich lo president francés en assolidant que vòl melhorar lo poder de crompa dels ciutadans. Per tant, a dich que demanda “al govèrn e al parlament de far çò necessari per que se visca melhor de son trabalh”.
 
Assegurèt qu’el “[oblidava] pas qu’al començament de tot aquò i a una colèra e una indignacion que fòrça franceses pòdon partejar”, e quitament diguèt que sentiá “aquela colèra coma justa”. Faguèt quitament mòstra d’umilitat en reconeissent que sas paraulas avián nafrat qualques unes. Mas lo discors de Macron comencèt en condemnant la violéncia de las darrièras manifestacions amb una menaça: “Quand la violéncia se descadena, la libertat cèssa”.
 
Pendent tot son discors, Macron tenguèt un ton solemne e patriotic en assegurant qu’el e lo govèrn de Philippe ensajavan sonque de melhorar lo país. “Sèm a un moment istoric”, çò diguèt per clavar en disent: “Es pas per ieu, es per vosautres, per França”, e finiguèt son allocucion amb un “Visca França, visca la Republica!”.
 
 


Reaccions
 

 



 


 

 



 


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

E Passa Que T Ai Vist Lo Clapàs (Montpelhièr)
22.

#21 Où, un poce rojàs ! Un troll macronian qu'apara son "qu'ils viennent me chercher"Napoleon-Jupiter de Disneyland ? Marchons, marchons, allegretto ma non troppo, ah, ah, ah !





  • 0
  • 0
E Passa Que T Ai Vist Lo Clapàs (Montpelhièr)
21.

Macron vos parla : de teatre de missanta qualitat, mal jogat per un actor mediocre qu'arriba quita pas a rescondre sa morga auturenca. Ipocrit e patetic.

  • 3
  • 1
francesc palma
20.

Se puja lo salari minim 100 euros e non puja los imposts, doncas s'haurà aconseguit una melhora important per la classa trabalhadora. Cresi ? A Espanya amb lo presidentet Marianilho las protestas qu' es feren non aconseguiren res.

  • 1
  • 0
Jaulent
19.

#18 justament éra en 2000.
E se la chifras an pas cambiat de tròp me sembla qu'aurian pres
D'aviadessa.....
Sem ben aqui dins una governança mondiala.
Ont avem ren a dire .

E l'avetz legit aquel text de l'ONU qu'es estat signat atal gaireben d'escondon.
Cossi s'en parlet pas ? Cossi fuguet pas debatut ?
Es çaquelà un engatjament fòrt per nòstre esvenidor....
Me far remembrar lo tractat de lisbona refusat per referendum
Amb tres lingas cambiadas fuguet votat pels deputats : lo pòble èra colhon
De tròp per votar coma cal.

Es coma l'annoncia de l'aumentacion del smic que n'es pa una.
Es coma la csg pels retirats qu'escapan a l'aumentacion s'an mens de
2000€ / mes... ( en realitat es 1850 €) una polida manipòla... tot aquò...

  • 5
  • 0
Anta Bélvèser
18.

#17
Per èstre ònest, aqueste article es estat escriut en 2000, data un pauc. Ne démòra pas mens qu'aquel biais de pensar las populacions coma "remplaçablas" ("migracions de remplaçament, coma dison), coma sonque de chifras sul papièr, ès al meteis còp vertadierament repunhant e malurosament encara d'actualitat dins "l'elèit" e le camp del Ben.
7 000 000, sès pas dins las 6-7 annadas que venon, sarà dins las 20 o 30 que seguisson...

  • 2
  • 0

Escriu un comentari sus aqueste article