Actualitats
Rugbi de XIII: fa bèl temps defòra!
En Elèit 1, abans la pausa de Nadal e Cap d’An, l’avantatge anèt als vesitaires
Alan Roch
Elèit 1: 4 còps sus 5: recebre = pèrdre!
Dissabte, los Dragonets presentèron una formacion jovenòta fàcia al FC Lesinhan sus la pelena de Sant Estève. Los Singlars de Corbièras se deguèron emplegar per ganhar 30-24. A Albi, calguèt anar fins al punt en aur e , a la 83a minuta, un tombat d’Herrero balhèt la victòria a Palau. Victòria mai aisida per Avinhon a Tolosa: 30-6.
Dimenge, Sent Gaudenç resistiguèt una orada a Limós que s’envolèt dins lo darrièr quart d’ora 42-12. A Vilanòva, la partida foguèt plan mai sarrada: los Canaris de Carcassona paguèron la mendre deca dins lo primièr temps abans de montar en regim e de ganhar 24-18.
Elèit 2: un Dragon fa pas lo printemps.
L’eveniment de la jornada d’Elèit 2 èra la primièra aparicion jol malhòt de Vilagalhenc-Argon del jove retirat dels Dragons, Louis Anderson vengut jogar jols òrdres de son entraïnaire-jogaire de fraire. Sus la pelena de Vilamostausson, aprèp un omenatge al grand òme dels dos rugbis Joan Barthe, sus un estadi que pòrta son nom, Anderson marquèt un ensag mas las doas esquipas de Cabrés e Corbièras (Ferrals) finiguèron a egalitat 28-28.
Copa: Lesinhan-Avinhon en cap d’aficha
A la pausa d’Albi-Palau, se tirèron los 16ns de la Copa Lòrd-Derby. Una sola partida opausarà doas formacions d’elèit 1 dins la dimenjada dels 12 e 13 de genièr: Lesinhan recebrà al Molin los campions avinhonencs.
De notar los afrontaments, benlèu inegals, mas interessants entre vesins: Val de Danha contra Vilagalhenc-Argon, Barcarés-Palau, Aspet-Tolosa, Ramonvila-Sent Gaudenç, Pujòls-Vilanòva.
Los numèros dels Dragons
A Perpinhan, s’es balhada la lista dels numèros dels jogaires per la sason avenidoira: Tòni Gigòt portarà lo n° 1, Lucàs Albèrt garda son n° 22 e Sam Tomkins a optat pel n° 29 , lo primièr n° que portèt dins un rescontre de Superliga. Per ara, pas de portaires dels n° 27 e 28.
Dins los cambiaments per la sason avenidoira: la Superliga òpta pel principi del punt en aur en cas d’egalitat al cap de 80 minutas e lo nombre de remplaçaments autorizats passa de dètz a uèit.
Los Dragons jogaràn doas partidas amicalas per preparar la sason: recebràn a Brutus una seleccion de jogaires de l’Elèit 1 lo divendres 18 de genièr e lo Tolosa-Olimpic lo divendres seguent.
Alan Roch
Dissabte, los Dragonets presentèron una formacion jovenòta fàcia al FC Lesinhan sus la pelena de Sant Estève. Los Singlars de Corbièras se deguèron emplegar per ganhar 30-24. A Albi, calguèt anar fins al punt en aur e , a la 83a minuta, un tombat d’Herrero balhèt la victòria a Palau. Victòria mai aisida per Avinhon a Tolosa: 30-6.
Dimenge, Sent Gaudenç resistiguèt una orada a Limós que s’envolèt dins lo darrièr quart d’ora 42-12. A Vilanòva, la partida foguèt plan mai sarrada: los Canaris de Carcassona paguèron la mendre deca dins lo primièr temps abans de montar en regim e de ganhar 24-18.
Elèit 2: un Dragon fa pas lo printemps.
L’eveniment de la jornada d’Elèit 2 èra la primièra aparicion jol malhòt de Vilagalhenc-Argon del jove retirat dels Dragons, Louis Anderson vengut jogar jols òrdres de son entraïnaire-jogaire de fraire. Sus la pelena de Vilamostausson, aprèp un omenatge al grand òme dels dos rugbis Joan Barthe, sus un estadi que pòrta son nom, Anderson marquèt un ensag mas las doas esquipas de Cabrés e Corbièras (Ferrals) finiguèron a egalitat 28-28.
Copa: Lesinhan-Avinhon en cap d’aficha
A la pausa d’Albi-Palau, se tirèron los 16ns de la Copa Lòrd-Derby. Una sola partida opausarà doas formacions d’elèit 1 dins la dimenjada dels 12 e 13 de genièr: Lesinhan recebrà al Molin los campions avinhonencs.
De notar los afrontaments, benlèu inegals, mas interessants entre vesins: Val de Danha contra Vilagalhenc-Argon, Barcarés-Palau, Aspet-Tolosa, Ramonvila-Sent Gaudenç, Pujòls-Vilanòva.
Los numèros dels Dragons
A Perpinhan, s’es balhada la lista dels numèros dels jogaires per la sason avenidoira: Tòni Gigòt portarà lo n° 1, Lucàs Albèrt garda son n° 22 e Sam Tomkins a optat pel n° 29 , lo primièr n° que portèt dins un rescontre de Superliga. Per ara, pas de portaires dels n° 27 e 28.
Dins los cambiaments per la sason avenidoira: la Superliga òpta pel principi del punt en aur en cas d’egalitat al cap de 80 minutas e lo nombre de remplaçaments autorizats passa de dètz a uèit.
Los Dragons jogaràn doas partidas amicalas per preparar la sason: recebràn a Brutus una seleccion de jogaires de l’Elèit 1 lo divendres 18 de genièr e lo Tolosa-Olimpic lo divendres seguent.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo tombat decisiu de Palau èra l'òbra de l'arrière Fabian Flovie :
https://treizemondial.fr/dans-la-tete-dun-treiziste-3-fabien-flovie-un-drop-capital/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari