Bandièra01 1180x150: Comuna de Tolosa

Actualitats

Catalonha: Nadal solidari amb los presonièrs politics catalans

De milièrs de personas se son acampadas davant las presons per mandar de messatges de vam e coratge als presonièrs del temps que lor cantavan de nadalets

| CCMA
De milièrs de personas se son acampadas dins la nuèch de Nadal e los jorns seguents davant las presons ont se tròban los presonièrs politics catalans. Mentre qu’exigissián lor libertat, son anats lor cantar de nadalets, lor desirar de bonas fèstas e lor far saber que son pas solets. De nombrosas activitats se son organizadas a l’entorn per donar lo caliu uman als presonièrs.
 
Per Jordi Cuixart, Joaquim Forn, Oriol Junqueras e Jordi Sànchez, es ja lo segond Nadal que passan en preson preventiva del temps qu’es lo primièr per Dolors Bassa, Carme Forcadell, Raül Romeva, Josep Rull e Jordi Turull.
 
L’acamp pus nombrós s’es tengut davant la preson de Lledoners, dins la quala son embarrats, los òmes mentre que d’autres manifestants èran davant las presons de Puig de les Basses, ont se tròba Dolors Bassa, e del Mas d’Enric, ont es encarcerada Carme Forcadell.
 
Delà los nadalencs tradicionals catalans, una de las cançons mai cantadas e escotadas es la cançon Bona nit (Bona nuèch), adaptada exprèssament pels presonièrs politics catalans pel jorn de Nadal, e que podètz escotar dins lo vidèo que seguís:
 

 
En mai d’aquò, lo jorn de Nadal se faguèt una emission especiala de ràdio entitolada “Nadal en preson”: èra dedicada als presonièrs politics, amb la participacion de lors parents e amics, e menada per de professionals coneguts dels domenis de l’espòrt e de la comunicacion. L’emission aguèt luòc dins divèrsas ràdios localas, mai que mai las pus pròchas de las presons ont se tròban los presonièrs.
 
Dins lo vidèo que seguís, podètz escotar tota l’emission. Dins los autres vidèos, podètz veire e escotar de moments especials de l’acamp davant la preson de Lledoners.
 

 

 

 

 

 

 

 
 

 

 

 

 

 
 




abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Los presoniers politics catalans que sian las darrieras victimas del franquisme que encara es viu dins Estat Espanhol. Visca la libertat ! Visca la democràcia. Arruiss al franquisme !

  • 5
  • 0

Escriu un comentari sus aqueste article