Actualitats
Lorda consagra tot l’an 2019 a Bernardeta Sobirós
A l’ocasion del 175n anniversari de la naissença de la santa, e del 140n de sa mòrt, la vila de pelegrinatge pus importanta d’Occitània celebrarà long de tota l’annada d’eveniments especials
La comuna de Lorda a consagrat l’an 2019 a Bernardeta Sobirós a l’ocasion del 175n anniversari de sa naissença e del 140n de sa mòrt. Long de tota l’annada se tendràn d’eveniments especials, de rescontres e d’omenatges organizats per la comuna e tanben pel santuari de Nòstra Dòna de Lorda, çò rapòrta France 3.
Atal, la vila rend ongan omenatge a la pastora que cambièt lo destin de la vila de Lavedan après afirmar qu’aviá vist qualques còps la verge amb qui auriá parlat en occitan. “Qu’ei important de perseguir era mesa en valor dera vila a travèrs eth destin d’excepcion d’aquera que siguec canonizada en 1933”, çò diguèt la consolessa màger de Lorda Josette Bourdeu.
De son caire, lo paire André Cabes, rector del santuari, precisa que per l’an Sobirós “s’agís pas de cedir ara temptacion deth business”. Segon el, la mission es sustot de guidar los pelegrins devèrs çò que venon cercar, qu’es mai que mai “d’esperança”. Per el, Bernardeta Sobirós contunha de tocar las gents 175 ans après sa naissença car ela representa “tot eth mond” e non pas una eroïna.
L’istòria
Bernardeta Sobirós aviá 14 ans e una santat plan fragila quand diguèt que li èra apareguda la verge 18 còps entre l’11 de febrièr e lo 16 de julhet de 1858, dins la tuta de Massavielha. Ela parlava d’una femna qu’aviá vista, e quand aviá demandat a aquesta qui èra, auriá respondut: “Que soi era Immaculada Concepcion”. Segon lo curat de la vila, èra impossible que Sobirós coneguèsse çò que voliá dire “Immaculada Concepcion” pr’amor qu’èra un dògma que lo papa veniá de promulgar e qu’aviá pas de devocion al país.
Las aparicions foguèron examinadas per la Glèisa catolica, qu’al començament manifestèt una cèrta prudéncia davant lo cas. Mentretant, Sobirós intrèt dins un convent a Nivèrns (ara en Borgònha Franca Comtat) ont moriguèt malauta a 35 ans.
La Glèisa catolica acceptèt las aparicions e 70 garisons miraculosas a Lorda e la ciutat venguèt lo centre de pelegrinatge mai important d’Occitània e un dels pus importants del Mond. L’8 de decembre de 1933, lo papa Pius XI canonizèt Sobirós coma Santa Bernardeta de Lorda. Sa fèsta se celèbra lo 16 d’abril a l’ocasion de l’anniversari de sa mòrt, mas en França se festeja lo 18 de febrièr, a l’ocasion de l’anniversari de las visions.
La lenga del país mespresada
Totes los escambis entre Bernardeta e la verge se serián faches en occitan, mas sonque doas afichas o ramentan modèstament.
D’un caire, i a un panèl dins la tuta de Massavielha jos l’imatge de Nòstra Dòna que cita las paraulas “que soi era Immaculada Concepcion”. D’autre latz, se tròba dins lo santuari un autre panèl que mençona una autra frasa en occitan que l’auriá dicha la verge: “Anatz béuer ena hont e v’i lauar” (escrich: “Anat béouè en a hount et vi laoüa”). Aquel panèl, plaçat al començament del sègle XXI, es traduch en fòrça lengas.
Atal, la vila rend ongan omenatge a la pastora que cambièt lo destin de la vila de Lavedan après afirmar qu’aviá vist qualques còps la verge amb qui auriá parlat en occitan. “Qu’ei important de perseguir era mesa en valor dera vila a travèrs eth destin d’excepcion d’aquera que siguec canonizada en 1933”, çò diguèt la consolessa màger de Lorda Josette Bourdeu.
De son caire, lo paire André Cabes, rector del santuari, precisa que per l’an Sobirós “s’agís pas de cedir ara temptacion deth business”. Segon el, la mission es sustot de guidar los pelegrins devèrs çò que venon cercar, qu’es mai que mai “d’esperança”. Per el, Bernardeta Sobirós contunha de tocar las gents 175 ans après sa naissença car ela representa “tot eth mond” e non pas una eroïna.
L’istòria
Bernardeta Sobirós aviá 14 ans e una santat plan fragila quand diguèt que li èra apareguda la verge 18 còps entre l’11 de febrièr e lo 16 de julhet de 1858, dins la tuta de Massavielha. Ela parlava d’una femna qu’aviá vista, e quand aviá demandat a aquesta qui èra, auriá respondut: “Que soi era Immaculada Concepcion”. Segon lo curat de la vila, èra impossible que Sobirós coneguèsse çò que voliá dire “Immaculada Concepcion” pr’amor qu’èra un dògma que lo papa veniá de promulgar e qu’aviá pas de devocion al país.
Las aparicions foguèron examinadas per la Glèisa catolica, qu’al començament manifestèt una cèrta prudéncia davant lo cas. Mentretant, Sobirós intrèt dins un convent a Nivèrns (ara en Borgònha Franca Comtat) ont moriguèt malauta a 35 ans.
La Glèisa catolica acceptèt las aparicions e 70 garisons miraculosas a Lorda e la ciutat venguèt lo centre de pelegrinatge mai important d’Occitània e un dels pus importants del Mond. L’8 de decembre de 1933, lo papa Pius XI canonizèt Sobirós coma Santa Bernardeta de Lorda. Sa fèsta se celèbra lo 16 d’abril a l’ocasion de l’anniversari de sa mòrt, mas en França se festeja lo 18 de febrièr, a l’ocasion de l’anniversari de las visions.
La lenga del país mespresada
Totes los escambis entre Bernardeta e la verge se serián faches en occitan, mas sonque doas afichas o ramentan modèstament.
D’un caire, i a un panèl dins la tuta de Massavielha jos l’imatge de Nòstra Dòna que cita las paraulas “que soi era Immaculada Concepcion”. D’autre latz, se tròba dins lo santuari un autre panèl que mençona una autra frasa en occitan que l’auriá dicha la verge: “Anatz béuer ena hont e v’i lauar” (escrich: “Anat béouè en a hount et vi laoüa”). Aquel panèl, plaçat al començament del sègle XXI, es traduch en fòrça lengas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Sabe qu'en Limanha (Auvèrnhe) se ditz bien consagrar [kusa'gʁa]...
#4 es coma explicar o esplegar !
I'a l'escriut e l'oral, o l'original e la copia, o l'occitan e le patoés.
A la gara de Marselha un viatjaire damandet a l'agent de gara : "es quò qu'aquel tren se planta a Miramas. L'agent respondet " e ben si lo tren daus pelgrins s'arresta a Miramas quò seria una vertardiera mirauda".
#7 E oc, i auria de que se faire cuol-benesit, colèga ! Galèji.
#5 e sabetz çò que "jacobin" significa ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari