Bandièra01 1180x150: Comuna de Tolosa

Actualitats

Pedro Sánchez a Estrasborg: una eurocambra mièja voida mas plena d'afichas en favor dels presonièrs politics catalans

Lo president del govèrn espanhòl èra anat participar al 15n debat sus l’avenidor d'Euròpa, convidat pel president de la cambra, Antonio Tajani

| Jordi Solé
Una eurocambra mièja voida mas plena d'afichas en favor dels presonièrs politics catalans es çò que trobèt ièr lo president del govèrn espanhòl, Pedro Sánchez. Sánchez èra anat participar al 15n debat sus l’avenidor d'Euròpa, convidat pel president de la cambra, Antonio Tajani.
 
Dins son discors, Sánchez faguèt pas cap de referéncia a Catalonha. Demandèt d’oblidar pas l'istòria d’Euròpa e de far front "a un autoritarisme que viu de la nostalgia inventada". "Davant la retorica de las identitats exclusivas, d’identitats que recampen, que non s’anullen pas", çò revendiquèt. Atal, Sánchez faguèt una crida per las "valors europèas" e doncas, segon el, per "resistir als cants de serena de l’autoritarisme". "Una leiçon que l’a daissada l'istòria es que, a cèrts moments, resistir es avançar”, çò concluguèt.
 
Puèi, a 12h30, Sánchez e Tajani faguèron una conferéncia de premsa dins la quala lo president del govèrn espanhòl deguèt respondre a las questions dels jornalistas internacionals. Aquí Sánchez assegurèt que l'independentisme catalan aviá pas lo sosten de la majoritat sociala e insistiguèt sul fach que l'estat espanhòl seriá democratic. Mas maites deputats, dont l'occitan José Bové, li reprochèron l'existéncia de presonièrs politics. 
 

 


abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc BARDÒU
1.

Aquí Sánchez assegurèt que l'independentisme catalan aviá pas lo sosten de la majoritat ? La majoritat dels Espanhòls, supausi. Après, dire qu'aqueste majoritat siá "sociala", o deu èsser a pro pena un pauc mai que la del nacional-"socialisme".

  • 6
  • 0

Escriu un comentari sus aqueste article