Actualitats
Courtial X Kogane qu’ei au punt de sortir lo son prumèr album
Lo tot hèit en duo bateria d’un costat, guitarra nerviosa dab canta de l’aute. Ua recèpta originau qui reconcília lo tradicionau e la musica mei contemporanèa
Lo duo Courtial X Kogane qu’ei au punt de sortir lo son prumèr album. Los qui avèvan estimat la lor version rock de La Marion que se’n pòden regaudir, un disc sancèr on se mescla l’stoner rock dab elements tradicionaus occitans qu’arriba.
Lo tot hèit en duo bateria d’un costat, guitarra nerviosa dab canta de l’aute. Ua recèpta originau qui reconcília lo tradicionau e la musica mei contemporanèa. Que hasè hrèita dens lo païsatge musicau occitan, qui’s cèrca tostemps e qui se’n ved , sovent, entà trobar un equilibri valeder.
Courtial X Kogane qu’a plan engolit las soas influéncias musicaus, mei que mei americanas, e que las regurgita a la mòda occitana: ua vertadèra escaduda estetica.
Mes n’èra pas pro entau duo, qui ei anat mei luenh enqüèra au moment d’enregistrar l’album. En efèit, entà assolidar l’identitat de cada cançon, que las an enregistradas cadua dens un loc diferent, en ua presa sonque, lo tot fimat, tà’n har un videoclip per cada cançon. Ua faiçon d’ahortir la presa de risca e d’espelir la creativitat deu grop.
Enfin, qu’an tanben invitat d’autes musicaires a participar a l’album, com Lo Barrut o membres deu grop Artús.
Ua airejada vertadèra dens lo païsatge musicau occitan. En esperant lo tresau album de Boisson Divine, previst augan tanben, la guitarra qu’ei a l’aunor per noste!
Paulin Courtial e Dimitri Kogane qu’èran au micro de Ràdio País au sortir de la tota darrèra sesilha d’enregistrament, a la Ferroneria de Juranson, lo quartièr generau deu labèl A Tant Rêver Du Roi.
Ràdio País
Aqueste article es possible gràcias a un acòrdi de cooperacion entre Jornalet e Ràdio País.
Lo tot hèit en duo bateria d’un costat, guitarra nerviosa dab canta de l’aute. Ua recèpta originau qui reconcília lo tradicionau e la musica mei contemporanèa. Que hasè hrèita dens lo païsatge musicau occitan, qui’s cèrca tostemps e qui se’n ved , sovent, entà trobar un equilibri valeder.
Courtial X Kogane qu’a plan engolit las soas influéncias musicaus, mei que mei americanas, e que las regurgita a la mòda occitana: ua vertadèra escaduda estetica.
Mes n’èra pas pro entau duo, qui ei anat mei luenh enqüèra au moment d’enregistrar l’album. En efèit, entà assolidar l’identitat de cada cançon, que las an enregistradas cadua dens un loc diferent, en ua presa sonque, lo tot fimat, tà’n har un videoclip per cada cançon. Ua faiçon d’ahortir la presa de risca e d’espelir la creativitat deu grop.
Enfin, qu’an tanben invitat d’autes musicaires a participar a l’album, com Lo Barrut o membres deu grop Artús.
Ua airejada vertadèra dens lo païsatge musicau occitan. En esperant lo tresau album de Boisson Divine, previst augan tanben, la guitarra qu’ei a l’aunor per noste!
Paulin Courtial e Dimitri Kogane qu’èran au micro de Ràdio País au sortir de la tota darrèra sesilha d’enregistrament, a la Ferroneria de Juranson, lo quartièr generau deu labèl A Tant Rêver Du Roi.
Ràdio País
Aqueste article es possible gràcias a un acòrdi de cooperacion entre Jornalet e Ràdio País.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Waou! Qu'aví vist a passar lo nom deu grop mes qu'ei lo purmèr còp qui'us escoti! Mercés Jornalet!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari